ค่าวก้อม

เติงตอนมาแล้ว ขอแจวจากจ๋ร

อยากกิ๋นเข้าตอน ออนจรบ่หน้อย

ใค่กิ๋นลาบปล๋า หลู้ส้าปล๋าก้อย

ต๋ามหมูฮิมดอย แง่มนี้ 

เจ้าหมู่เขาจ๋า ว่าอย่าเซ้าซี้

กิ๋นต๋ำหมู่นี้ เอาเอย

กิ๋นก้วยเตี๋ยวเตอะ

เปื่อเลอะ อ้ายเหย

เอาเลยต๋ามเลย กิ๋นก้วยเตี๋ยวแห้งๆ

[ขจิต ฝอยทอง]

• ตามมาอ่านค่าวครับ
• อยากฟังเสียงด้วย
• ทำไงดีครับ
• อิอิๆๆ

[หนานชาติ]

ขอบคุณอาจารย์ที่ให้เกียรติมาอ่านค่าว ผมจะพัฒนาการแต่งค่าวไปสู่การอ่านออกเสียง โปรดติดตามด้วยหทัยระทึกครับ ...ด้วยดวงจิตคารวะ

[คำแสนดอย]

• สรีสวัสดีเจ้า  มาอ่านค่าวเครือ ตามฮีตโตยฮอยล้านนาเจ้า  เขียนค่าวมาหื้ออ่านบ่อยเน้อเจ้า ปี้หนาน  สรีสวัสดีเจ้า

สวัสดีค่ะ อยากรู้คำแปลจังค่ะ คุณข้าหนาน

[หนานชาติ]

ยินดีครับคุณนฤมล เพื่อให้ได้อรรถรสผมจะแปลความหมายให้ฟังเน่อครับ

เติงตอนมาแล้ว (ถึงเวลาเที่ยงแล้ว)

ขอแจวจากจ๋ร (จะขอออกไป)

อยากกิ๋นเข้าตอน (หิวข้าวเที่ยง)

ออนจรบ่หน้อย (หิวจนกระวนกะวายมิใช่น้อย)

ใค่กิ๋นลาบปล๋า (อยากกินลาบปลา)

หลู้ส้าปล๋าก้อย (หลู้ ส้า ปลาก้อย ..เป็นอาหารประเภทเนื้อดิบๆทางภาคเหนือ)

ต๋ามหมูฮิมดอยแง่มนี้ (บริเวณดอยแง่มนี้ ...ดอยแง่มเป็นสถานที่ตั้งของมหาวิทยาลัยแม่ฟ้าหลวง)

เจ้าหมู่เขาจ๋า (เพื่อนฝูงบอกว่า)

ว่าอย่าเซ้าซี้ (อย่ามาเซ้าซี้ชักชวน)

กิ๋นต๋ำหมู่นี้ เอาเอย (กินแถวๆนี้ละกัน)

กิ๋นก้วยเตี๋ยวเตอะ (กินก๋วยเตี๋ยวเถอะ)

เปื่อเลอะ อ้ายเหย (เยอะแยะพี่เอย)

เอาเลยต๋ามเลย กิ๋นก้วยเตี๋ยวแห้งๆ (อ๊ะเลยตามเลย กิ๋นก๋วยเตี๋ยวแห้ง ก็ได้)

หากจะถอดเป็นบทกลอนแบบเอาความได้ดังนี้

เที่ยงแล้วเวลา

ตัวข้าจะไป

หิวข้าวตาลาย

จะไปกินลาบปลา

ของดิบก้อยพล่า

หากินแถวนี้

เพื่อนฝูงบอกชี้

แถวนี้ดีกว่า

ก่วยเตี๋ยวเกลื่อนตา

เอาวะตามเลย

สั่งก๋วยเตี๋ยวแห้ง

อิอิอิ

วันหลังผมจะมาสอนภาษาล้านนาวันละคำละกันครับ

[รพี กวีข้างถนน]

"กิ๋นก้วยเตี๋ยวแห้ง กู้กับแคบหมู

สูเจ้ากึ๊ดดู  น้ำป๋ายังซด

ลืนบ่ลงคอ แอวงอห่อก้ด

จื่นใจ่แต้น้ำ  ซ่วยมือ...."

                     สรีสวัสดีครับคุณข้าหนาน ดีใจ๋ตี้มีหมู่จุมมาฮ่ำกวีศรีล้านนา

                                ยินดีครับ

                                     รพี

[ทนัน ภิวงศ์งาม]

กิ๋นก้วยเตี๋ยวเต๊อะ  เป่อเลอะอ้ายเหย  เอาเลยต๋ามเลย  กิ๋นก้วยเตี๋ยวแห้ง

หมู่เฮาตี้ฮัก  มันจักเหมือนแกล้ง  ปอเถิงยามแลง  แถมเมาะ

กิ๋นก้วยเตี๋ยวแหม  มาแซมด้วยเงาะ  มันน่าหัวเราะ  แต๊เทียว

เจ๊าก้วยเตี๋ยวนั้น  กล๋างวันก้วยเตี๋ยว  ค่ำอยู่คนเดียว  ก้วยเตี๋ยวแถมถ้วย  ก้วยเตี๋ยวแถมถ้วย.

[หนานชาติ]

สาคารวะ พบปะอาจารย์

แสนสุขจื่นบาน อาจารย์มาถ้อง

กวีค่าวสาร โบราณเก่าก้อง

สืบสานทำนอง ก่อนกี้

กวีค่าวเหย อย่าเลยหลีกลี้

จ่วยกั๋นอย่างอี้ เนอนาย

ยินดียิ่งแล้ว พี่แก้วสหาย

ตั๋วข้าคนจาย สุขใจ๋เจิดจ้าๆ

ยินดีครับอาจารย์ทนัน

[ทนัน ภิวงศ์งาม]

ยอมือสา วันตาท่านไท้ หนานชาติปี้อ้าย ที่ได้ไปหา
เมินนักแกแต๊ บล็อกข้าแลหนา บ่หมีใผนา แอ่วหาฟู่อู้
หนานชาติเปิ้นไป หัวใจ๋หลิ่งหลู้ เหมือนยกคำจู เนอครับ

อ่านค่าวปี้หนาน มันหวานเกินนับ น้ำต๋าลว่าอั้น เป็นรอง
แม้นตั๋วข้านี้ อย่าว่าที่สอง สามสี่ห้ามอง บ่หันฝุ่นได้
ม่อนข้าใจ๋ดี ที่มีมิตรใกล้ หนานอยู่เจียงฮาย ไปแวะ

วันหน้าวันไหน เจิญไปแถมและ แวะไปแอ่วอู้ จู๋จา
ขอวอนหนานนั้น แบ่งปั๋นผญา แลกเปลี่ยนกั๋นนา ต๋ำฮาค่าวสร้อย
วันนี้สุขใจ๋ สุขก๋ายบ่หน้อย ได้คู่ฮ่วมฮอย ฮีตเก๊า

ขอหื้อปี้หนาน สุขสันต์ค่ำเจ๊า ส่วนตัวข้าเจ้า ขอลา
น้อมวันตา ขอลาเต้าอี้ เต้านี้ขอวางลง ก่อนแลนายเหย.

[จ่อฟ้าปันลม...วีระศักดิ์(พวกเปีย)]

จะกิ๋นอะหยัง แกงอ่อม สัปปะ ลาบจิ้น หลู้ส้า ครัวใน แกงบ่ฟัก บ่านอยสีใส จะกิ๋นอันไดเลือกเอาเต้อะเจ้า มีหลายสัปปะ แผวก้อยปลาขาว ปลาสร้อยตัวยาว ปลาดุกปลาก้าง มีตึงแกงเห็ดแกงปี แกงกะด้าง อบเขียดอบฟาง บ่เล้อ ของกิ๋นล้านนา เสาะหามาเต้อะ ตึงดีกินเจ้า เนอนาย อันตี่บ่ดีกิ๋น หยังมีแหมหลาย เสาะเอาเต้อะนาย มีหลายว่าอั้น....ส๊วดสะดีเจ้าปี่นายน้องครับขอฝากค่าวก้อม สักน้อยเน้อครับ ผิดตี่ไหนตางได กะขอสูมาอภัยกับท่านครูบาอาจารย์ตังหลายไว้ตวยเน้อครับ ผมกะลังหัดเฮียนแต่งค่าว

[ธีระพงษ์]

กิ๋นโก้ยเต๋วมา ตี่ข้างถนน

มีแต่ผู้คน เป่อเล๊อะ มากมี

ผมสั่ง เส้นไหญ่ กับใส้หมูล้วน

เปื่อนผมก่อจวน เอาเส้นเล็กบ๋อ

เจ้าของร้านว่า เลือกเอาเหียยั่ง

ตั๋วเปิ่นจะฟั่ง ไปเก้บ สะตางค์

ผมเอาเส้นเล็ก กับลูกจิ้นป๋า

เปิ่นก่อบอกว่า จิ้นป๋าบะหมี

อั้นเอาเนื้อเปิ่ย ปี้อ้ายเจ้าเหย เปิ่นฟั่ง

ซักกำก่อมา กับโก้ยเต๋วนั้น

ตัวผมก่อหัน ว่าเป๋นเส้นใหญ่

จะไดหละปี้ ตี้ผมสั่งไว้ บะไจ้เส้นใหญ่ ปี้เหย

กิ๋นไปเต๊อะน้อง ลงต้องเหมือนกั๋น

จะเอาแคบมัน แอมเอา

มันก่อลำดี ตี้เป๋นโก้ยเต๋ยว

กิ๋นแล้วก่อเก้ว ลงต้อง เหมือนกั๋น

-----ข้าน้อย หัดไหม่ โจ้ยสอนข้าน้อย

หัดอู้กำจ้อย ค่าวฮ่ำ

อยากอู้เน็ดๆ เอาไว้สอนหลาน

แหมน้อย จะปาน สูญหาย

----ติดต่อ ตั๋วผม ตี๊อีเมลนี้

จะ่บ่าหลีกลี้ หนีหาย

จะเป๋นแหมคน ตี๊อู้คำค่าว

ติดต่อ ข้าเจ้า คนนี้แลนาย คนนี้แลนาย

[ธีระพงษ์]

ตะกี้้ผมลืม บอกอีเมล์ไว้

กั๋วจะบ่าได้ ติดต่อ

เอาไปแหม หน้อยกำจ้อย ค่าวฮำ่

ตั๋วผมจะจ๋ำ เอาไว้แต้นาย

[หนานชาติ]

ยินดีแต๊ไธ้ ปี่อ้ายมาจ๋า

เล่าค่าวยาววา มาฮอมหนานหน้อย

อ้ายธีรพงษ์ จำนงค์เจตจ้อย

เข้ามาฮอมปอย คาบนี้

อู้เรื่องอาหาร สำราญเหลือจี้

เติงตอนมอกอี้ เนอนาย

ยินดีแต๊ครับ ต้อนฮับสหาย

กวีเจิงจาย ล้านนาค่าวสร้อยๆ

[ธีระพงษ์]

วันนี้วันจั๋น ก่อห่อเข้ามา

กับหมู่เปื้อนข้า ม่วนล้ำ

แก๋งเมืองหลากหลาย ปี้นายห่อมา

ฮอมกั๋นทั่วหน้า ซะป๊ะของกิ๋น

มีตึงลาบก้อย แก๋งหอยเอามา

แล้วมีแผวส้า มันลำ

ตั๋วข้าแวะกาด บ่าพลาดซื้อมา

แอ๊บหมูนั่นหนา 5 บาท

กับน้ำพริกอ่อง บ่หมองผักกับ

บะแต๋งผ่าสับ ดีแล

[ธีระพงษ์]

วันนี้ข้ามา หายหน้าไปเมิน

กึ๊ดเติง เหลือเกิ๋น อยากอู้กำค่าว

บ่าได้ไปไหน หน้อยมีก๋านนัก

บ่าได้มาตั๊ก ลุงปี่เืปื่อนพ้อง

ปอมีเวลา ก่อเข้ามาเอิ้น

มาได้บ่าเมิน ก่อต้องไปแล้ว

----สวัสดีครับ----

[ไม้เมืองหมอก]

.....ฝากเสียงเรียงนาม คนบ่งามสักน้อย ฮื้อลองอ่านกอย ค่าวถ้อยวาจ๋า

เขียนผิดตั๊ดใด อย่าได้ถือสา จักขอสูมา เหียก่อน

มันเป็นกำค่าว บ่าวน้อยละอ่อน บ่มีครูสอน ครูสั่ง

อ่านบทค่าวแล้ว บ่ฮู้เป็นหยัง เหมือนมีพลัง อยากฝึกศึกษา

เมื่อเขียนมาแล้ว มันมีปัญหา เพราะว่าปัญญา มันตื้น

ขอแค่นี้ก่อน ยังบ่อยากฝืน เดวปิ๊กหวนคืน กลับมา

เขียนได้เต้าอี้ มันดีก่อหา อยากฮื้ออ้ายมา ไขจ๋าสักน้อย ไขจ๋าสักน้อย...

[หนานชาติ]

ยินดีต้อนรับ นับเจ้าสหาย

กวีค่าวจาย เรียงรายค่าวสร้อย

พี่ไม้เมืองหมอก ดอกงามกำถ้อย

บ่ละฮีตฮอย ค่าวก๊อน

เขียนค่าวมาใจ ใจ๋บานจื่นส้อน

สำเนียงออดอ้อน วอนใย

ฝึกอ่านเขียนนั้น สำคัญที่ใจ๋

ฮักค่าวกวีใย จักไหลสู่อ้ายๆ

ยินดีเน่อครับพี่อ้ายไม้เมืองหมอก สูมาที่เข้ามาตอบจ้าไปหน่อย

[เณรน้อย]

เจริญปอนเน้อ โยมครูบาอาจารย์ ปี้หน้อย ปี้หนาน ตั้งหลาย เณรขอรบกวนจ่วยเเต่งค่าว เกี่ยวกับการสร้างพระธาตุครับ

ขอฝากอีเมลไว้เน้อครับ [email protected] เน้อครับ

[ครูเกรียง/หนองผำ]

ขอเข้าร่วมสนุกตวยคนครับ ตามปกติก็ชอบแต่งกลอน ออกจากราชการมาแล้วก็มาหัดแต่งค่าวเล่น ๆ ลองอ่านดูเน้อ

เมื่อมีคนต๋าย เฮ่งฮีบบ่ายหน้า ขะใจ๋เข้ามา จ่วยจ่วยกั๋นไว้

สละเวลา บ่ต้องบอกใจ้ ขนของจ่วยได้ กู่คน

ขนถ้วยขนจ้อน ต่างคนต่างขน จ๋นหัวผัดมน มืดหน้า

จ่วยกั๋นก๋างเต้นท์ จ่วยกั๋นแต้หนา ปี่น้องอาวอา จ่วยกั๋นตึงบ้าน จ่วยกั๋นตึงบ้าน

[หนานชาติ]

วันเพ็ญเป็งปุ๊ด วิสุทธิ์มาถึง ขอหื้อร่ำเปิง เติงนาบุญเจ้า

วันเป็งเดือนสี่ ถึงตี่ตานเข้า หอมใหม่งามเลา เจ้าไว้

เตี่ยงคืนเดิกป๋าย เจิญนายน้องไธ้ เกียมของที่ได้ ยอบุญ

ใส่บาตรองค์พระ อุปคุตต๋น สัพพะมงคล จักหล่นมาหื้อๆ

[ธนภร ตัณทัยย์]

ข้าเจ้ารองประนชมรมชาวเหนือภูเก็ตอันดามัน ชอบค่าวฮ่ำจ้อยซอ แต่แต่งบ่จ่าง บางครั้งก็ลอก เอามาทั้งดุ้น คงบ่ว่ากั๋นเน้อเจ้า เพราะหมู่เฮาาอยากจะมีส่วนร่วมในก๋ารเผยแพร่ วัฒนธรรมบ้านเฮา

[ชูชาติ ใจแก้ว]

ยินดีครับหากชื่นชอบ พอดี บล็อกนี้ผมลืมรหัสผ่าน ผมเลยตั้งอันใหม่มีงานเขียนมากมายครับ ติดตามได้ที่ http://gotoknow.org/portal/hnanlomlong ขอบคุณครับ จากหนานชาติ

[ลูกหลานคนเมือง]

ฮักเเต้ ฮักตั๊ก บะคักจะหัน ใจ้หยั่งเเมงมัน ไล่ยับมันใด๋

[หัสดินทร์]

มีค่าวเกี่ยวกับการ เกิด แก่ เจ็บ ตาย ก็คับ เขียนไว้หื้อจิ่มครับ

[ดวงใจ]

เจ้าลิงตั๋วนี้  มันมีเจ้าของ. มาโดนลูกซอง. ตึงหมองหม่นเมี้ยง

โค๊บเปิ้นตะวา. จ๊ะต๋าบอกใบ้. มันจากต๋ายไป  เหียแล้ว

มันสวกนักหนา. มาจ๋าผ่องแผ้ว. โค๊บเปิ้นเจ็บแล้ว. นอนาย

เอ็นดูแต้น้า. เขาฆ่ามันต๋าย. ไล่คนก่อนงาย. เสียดายเหียเสี้ยง

เจ้ามันตึงข๋าง   ปล่อยวางจ๋นเสี้ยง. จาดหน้าก่อยเคียง. บอกตั๊ก

ลิงมันมีกั๋ม. ทำไว้จาดนัก. มาตั๊กบอกเอิ้น. จีวี

เกิดมาใหม่นั้น. ฮื้อมันสุขี. ขอฮื้อโจ๊กดี. จีวีเตี่ยงมั้น. จีวีเตี่ยงมั้น

[ชัช เชิงชาย]

สวัสดีครับอาจารย์ทุกๆท่านปี้น้อยป้หนานตี้เคารพผมขออนุญาตฝากคำค่าวสักหนึ่งบทไว้หื้อช่วยติชมตวยเน้อครับ

มันหยังมาฮ้อน มันหยังมาก้าย

นั่งอยู่บะดาย เหมือนไฟส่องหน้า

ลุกไปอาบน้ำ บะตันนุ่งผ้า

เหงื่อย้อยลงมา แง่มก้น

มีแต่แอกี่ หนี้ยังบ่ป้น

จ๋ำเป๋นต้องทน เน้อนาย

หลอนว่าอ้ายนี้ บุญมีบ่ต๋าย

ก็หล้างว่าได้ นอนห้องแอร์เย็น ๆ