เดือนเอ้ย  เดือนสิบเอ็ดลมพานต้อง  เดือนสิบสองน้ำหมองฮั่ว

สีขัวนัวน้ำหมอกย้อย   หัวใจล้มจั่งจ่มหา

คิดเห็นลุงและป้า  อาวอาผู้เฒ่าเก่า

พากันเอาเข้าขึ้นเล้า   สาแล้วล่ะตั่วนอ

เฮ็ดให้ผมคิดพ้อ  มูลมังเก่าไทอีสาน

เดือนสิบสองมีงาน  ทอดกฐินแต่คราวนั้น

เสร็จจากงานกฐินนั้น  เก็บกำเข้าดอแก่

ทั้งเฒ่าพ่อ เฒ่าแม่  ซ่อยกันเกี่ยวกองไว้  ใส่ลานพ้อมพ่ำดี

ยินเสียงวีวีก้อง  สายสนูเจ้าแล่นว่าง

พวกคนหนุ่มผู้สาว  เกี่ยวเข้าไปกะพ่องเล่น  ผญาเกี้ยวเจ้าใส่กัน

นับตั้งแต่มื่อนั้น   จนมาฮอดมื่อนี่  บ่โดนนานเจ้าจักหน่อย

พวกหมู่เด็กหนุ่มน้อย  ลืมจ้อยฮีตอีสาน

................โอ้ย..พอล่ะ

เขียนไปหลายแฮ่งอยากไห้

คิดฮอดแฮง