ยอมือสา วันตากราบนบ ครูที่เคารพ แลนบอาจ๋ารย์
อันตั๋วม่อนนี้ ขอจี๊ไขขาน จิตใจ๋เปล่งบาน เมื่ออ่านบทถ้อย
ขอฮ่วมปู่จา ครูบาสักหน้อย กราบต๋ามฮีตฮอย เก่ากี๊

หมู่คนตังหลาย ญิงจายเฮานี้ จุ๊คนจะอี้ มีครู
พ่อแม่เฮานั้น ท่านเป๋นพหู นับเป๋นคุณครู คนแรกเนอเจ้า
เติบใหญ่มา เปิ้นปามาเข้า โฮงเฮียนของเฮา แห่งนั้น

ได้ขีดได้เขียน เปียรขึ้นกำจั๊น ครูเปิ้นแต่งปั้น หลอมเท
บุญกุณครูไซร้ หื้อได้สังเก๋ต์ มากล้นคะเน ทะเลใหญ่กว้าง
ขอหื้อครูไทย สมใจ๋ใฝ่อ้าง เจริญกุ๊ตาง เน้อครับ

เป๋นคนหล่อสวย คนรวยสินทรัพย์ นับอายุได้ ยืนยาว
ฮ่างครูก็ฟิต จิตครูก็ขาว เต๋จ๊ะก็พราว สกาวส่องแจ้ง สกาวส่องแจ้ง.