ไหว้สา..อ้ายนิคม ตี้เคารพ

หลังออกไปพักผ่อนหลังเกษียณ ก่อบ่ะได้ปะหน้ากั๋นเลย สบายดีก่อ ?... คนมีความฮู้ (ผะหญา) เต๋มปุ๋มอย่างอ้ายนิคม คงจะเซาะหาอะหยังดี ๆมาเผยแพร่หื้อแก่หละอ่อนรุ่นหลังบ้านเฮา ได้ฮับฮู้จ๋นหมดเสี้ยง หายากนะครับคนบ่าเดี่ยวตี้จะมาสนใจของดีของบ้านตั๋วเก่า หนี้ก่อใกล้เดือนยี่เป็งแล้ว ใค่หื้อนิคมเขียนเกี่ยวเรื่องผางป๊ะตี้ป (ต๋ำนานกาขาว) แป๋งว่าวแป๋งโกมไฟ ว่าวผีโก๋น รวมไปเถิงเรื่อง บอกไฟต่างต่าง ๆ เจ้นว่า บอกไฟดาว (บ่าเดี่ยวถือว่าเป๋นจ๋ำพวกพลุ)บอกไปจ๊างฮ้อง บอกไฟดอก..จ๊ะอี้ แห็มเรื่อง พุทธทำนายกับก๋านเผียบเทียบในโลกปัจจุบัน เจ้นว่า แป๋งขัวข้ามฮ่องหล่อ...ไม้ส้าวจิกิ๋นหน่วยบ่าเขือ...บ่ะมีคนตี๋ก๋อง บ่ะมีมองต๋ำเข้า บ่ะมีตุ๊เจ้าเตดธรรม...แล้วจะถ้าอ่าน

ยังติดต๋ามผลงานของอ้ายอยู่เป๋นประจ๋ำ หล้างเตื้อก่อเซาะซื้อหาไปมอบหื้อคนเถ้าไว้อ่าน...คนเถ้าใค่หัวซอบสู้เขี้ยวปอเป๋นจิ๊น (เพราะเขี้ยวบ่ะมี)

ฮักหุมอ้ายคนเมืองแต้ ๆ ละ

ขอไหว้สา

--- ป้อผะญา ------