สันติภาพ จงบังเกิด

อันว่าทุกข์อ้าโอ้ โหดร้ายปานเหลือ

โพยภัยพาลรุกรานอย่างฮ้าย

เป็นจั่งใดแท้คึดอ่าน เข่นฆ่า

ปรารถนา ชนะได้พ่ายแพ้ ท่อกัน

บ่มีสงครามใด ลุแม่ง ชนะศึก

บ่เคยมีบ่ตายม้างหลายศพล้น

เคยอยู่ดีกันแล้วไปมาหาสู่

พอเคียดขม กันแล้ว ศัตรูล้วนมิตรหาย

โอ้นอ สุ่มไทยเจ้า กำปูเจีย หมู่แพง สหายเอย

เป็นจั่งใดน้อลุง จั่งมาผิดกันซ้ำ

อยู่กันดีสุขล้น สราญอยู่ บ่เคยเปลี่ยน

พวกดังโม ตั๋วต้ม แผ่นดินเจ้า ลุกเป็นไฟ

เป็นเพื่อนบ้านพี่น้อง ย้ายหนีได้ละบ้อ ลุงเอย

บ่ฮักแพงแบ่งปัน เอ็ดแนวใดเป็นได้

โบราณเก่าอดีตบ่มีเขตแบ่งปัน ดอกพ่อ

อยู่กันคือพี่น้องส่มเซื้อป้าลุง

ไทยเขมรนั่น อื่นไกลอยู่บ้อ

คือได้พากันก่อสร้างสาโดนแล้ว

น้ำเต้าปุงหน่วยเดียวคลานกันออกมา

เป็นทั้งน้องกับอ้ายใหญ่กล้าฮ่วมเฮียง ท่อนั้นแล้ว

สะแม่นตาหัวร่อ ถืกต้มผิดกัน

บักดังโม สุ่มมัน วางแผน ดักเจ้า

ผิดกันทั่วทุกซอก ความเจริญหนีห่าง

ทุกข์ยากเข็ญเกิดได้ อุบายล้นเสวยสุข

ขายสินค้าเสพล้นทุกอย่างมันทำ

ความระยำสุ่มหัวเกิดทั่วทุกคุ้ม

ความรุ่งเรืองกำลังเกิด หลุดหายหดหนี

จักรพรรดินิยมนี้แผนฮ้าย ม้างเฮา พี่น้องเอย

จึงควรฮู้ทันแท้ อย่าหลงได้ หมู่เฮา

พากันค่อยโอ้โลม โสกัน อย่างแท้

อดส่าเจ้า อดทนแน่ หมู่เอย

มีแต่สุ่มซาวเซื้อ หลานลูก พญาแถน ท่อนั้นแหล่ว

ฮักกันไว้ ดีกว่า ซังกัน

หมู่ประสงค์แนวใด คอยจาโลมไว้

ถอยกันคนละก้าว จั่งคึด เจรจา

ไทยเขมร คงไว้ สันติภาพ ฮ่วมกัน

เด้อพี่น้องเอย

สาธุ

อิศรา ประชาไท