สวัสดีหลานคนชอบกาแฟคนใจ๋บุญตี้แม่ฮ่องสอน...

ลุงหนานขอชมกำกึ๊ดเฮาเหียน่อยว่าดีแต๊ๆ ลุงก็ยังกึ๊ดบ่แผวว่าแป๋งสารานุกรมผี...ที่จริงลุงเขียนหนังสือเกี่ยวกับล้านนาลงในหนังสือพิมพ์ไทยนิวส์ประจ๋ำวันพฤหัส  หน้า 3  หัวข้อสารคดีพื้นบ้าน..แล้วเอามารวมเป๋นเล่มชื่อว่า " ผะหญาล้านนา"   มีวางขายต๋ามฮ้านหนังสือทั่วไปในเจียงใหม่ เจียงฮาย หมู่นักศึกษาเขาเอาเป๋นหนังสืออ้างอิง  อ่านนอกเวลา ฯลฯ. 

ถ้าหากหลานจะแป๋งสารานุกรมผีลุงก็ยินดีว่ามันจะได้บันทึกเป็นลายลักษณ์อักษรเพราะตึงวันนี้ ลุงจดไว้ในปั๊บหน้อยๆ ไว้เตือนความจ๋ำ                     ส่วนมากก็เป๋นประสบการณ์ที่สืบค้น จากปั๊บสา  สัมภาษณ์จาวบ้าน  พ่อครูที่ไปเฮียนเกี่ยวกับสมุนไพร

เรื่องผีตึงวันนี้มันมีอยู่ในชีวิตจริง ลองผ่อจากคนสร้างศาลคนขายธูป  เตียนยังขายได้ดีอยู่ตึงวันพิธีกั๋มต่างๆ ล้วนแล้วเกี่ยวข้องเรื่อวจิตวิญญาณ  เพียงแต่คนเฮาปฏิเสธทางปาก แต่พฤตินัยมันยังต้องพึ่งพา ปู่อาจ๋ารย์  พระสงฆ์กระทำพิธีตลอดมา

เรื่องสารานุกรมก็อย่างหลานว่ามันขาดฮูป  หากจะไปถ่ายฮูปผี  ลุงก็ท่าจะหล้นหนีเหมือนกั๋น ตั๋วไผตั๋วมันว่าอั้นเต๊อะ   แต่ถ้าลุงแล้วหื้อหลานกาแฟวาดก้ได้เน้อลุงจะเขียนเรื่องหื้อ...เอาใจ๋ช้วยหื้องานสำเร็จ....

ขอหื้อทำความดีอย่างนี้ตลอดไป..เจริญๆเน้อหมู่เฮา

จากลุงหนาน.....