สวัสดีหลานๆ..หมู่เฮา....ที่จริงข้าวมันบ่มีผี  แต่ผีมันมาลักหลอนเอาข้าวไปกิ๋นคนจึ่งต้องป้องกั๋นด้วยยันต์นโมต๋าบอดเนอหลาน..... อย่างใดก็ต๋ามเฮาจะได้หันก๋ารจัดก๋ารเรื่องข้าวของคนตะก่อน  ตั้งแต่ก๋ารแป๋งหลองข้าวม่อ  การแบ่งข้าวขาย  ก๋ารป้องกั๋นข้าวหาย นี่คือผะหญาภูมิปั๋ญญาของคนตะก่อนตี้เฮาต้องถอดองค์ความฮู้ออกมา

ก๋านที่จะฮู้นักหน้อยต้องหมั่นแอ่วเซาะหา หมั่นค้นคว้าโดยเฉพาะเรื่องล้านนาเฮาถ้าอ่านตั๋วเมืองออกก็จะได้เผียบเพราะยังมีเรื่องแถมหลายๆอย่าง..ที่บันทึกในพับสาเป๋นตั๋วเมืองล้านนาเฮา ลุงจะเอามาเล่าต่อไปแถม แต่ก็อย่างว่า ต้องถอดองค์ความฮู้ออกมาหื้อได้  ก็เป๋นความฮู้ที่น่าสนใจ๋เน่อเจ้า    ถ้าบ่ถอดองค์ความฮู้หากเผลอๆอ่านแล้วจะไปเปิ้ดคนบ่ะเก่าว่างมงาย  ...อั้นนี้แหล้ะสำคัญตี้สุดเนอหมู่เฮา......

ยินดีนักๆเน้อลูกหลาน

จากลุงหนาน.....

                         พรหมมา