................
          สาธุ สาธุ โอกาสะข้าแด่พระยาอินตาธิราช ต๋นอันฮักษายังสองสวรรค์จั๊นฟ้า อันมีจตุมหาราชิก๋าและตาวติงสานั้นเล้า อันเป๋นเจ้าเป๋นใหญ่กว่าเตวบุตรและเตวดาตังหลาย แลตั้นต๊าวธตรฐะต๋นอันฮักษายังทิศะหนวันออก อันเป๋นเจ้าเป๋นใหญ่กว่ากั๋นธัปปาตังหลาย แลตั้นต๊าววิรุฬหกะต๋นอันฮักษายังทิศะหนใต้ อันเป็นเจ้าเป๋นใหญ่กว่ากุ๋มภัณฑ์ตังหล๋าย แลตั้นต๊าววิรูปักขะต๋นอันฮักษายังทิศะหนวันตก อันเป๋นเจ้าเป๋นใหญ่กว่านาคตังหลาย แลตั้นต๊าวกุเวระต๋นอันฮักษายังทิศะหนเหนือ อันเป๋นเจ้าเป๋นใหญ่กว่ายักษ์ตังหลาย
          ก็แล ปายบนหมายเอาพระยาอินตาธราชแลตั้นต๊าวจตุโลกบาลตังสี่ ปายต่ำใต้หมายมีพระวรุณะและแม่พระธรณีเป็นตี้สุดแล
          อัจจะในวันนี้ก็หากเป๋นวันดี เป๋นวันสรีศุภะไจยะมังคละอันผาเสริฐ ล้ำเลิศยิ่งกว่าวันแลยามตังหลาย........
....................
          ตังบนนี้เป๋นกำโองการส่วนหนึ่ง ข้าเจ้าก็กำลังเศิกษากับด้วยนักศึกษามหาวิทยาลัยชีวิตอยู่ เฮียนไปฮู้ไปก็ม่วนไปติก ๆ ครับป้อหนาน.