วันนี้มากิ๋นแก๋งบ่าฝักหม่นใส่ไก่เมืองกั๋นดีกว่าเน้อเจ้า วัตถุดิบที่เตียมเอาไว้แก๋ง คือ

1.บ่าฝักหม่น

2.ไก่เมือง ครึ่งตั๋ว

3.พริกแดง 7-8 แก่น(ถ้าพริกมีรสเผ็ด)

4.จักใคร่(ตระไคร้) ข้าวมิ้น(ขมิ้น)

5.เกลือ+กำปิ(กะปิ)

6.หอมแดง+หอมเตียม(กระเทียม)

วิธีทำ ตำพริกพร้อมกับเอาวัตถุดิบหรือเครื่องปรุงที่เตียมไว้ตำให้ละเอียด เอาไก่มาล้างน้ำแล้วหั่นเป็นชี้นพอประมาณบ่าฝักหม่นเอามาปอกเปลือกออกแล้วหั่นเป็นกลีบหน้อยๆ(พอประมาณ) เอาหม้อแก๋งตั้งไฟพอฮ้อนก็นำน้ำมันหมูหรือน้ำมันพืชใส่ลงไปพอฮ้อนก็นำน้ำพริกที่ตำไว้เอาลงไปคั่วกับเนื้อไก่ฮื่อมีกลีนหอมเอาน้ำใส่ลงไปในหม้อแก๋งพอประมาณตั้งไฟไว้พอไก่สุกก็เอาบ่าฝักหม่นใส่ลงไปตั้งไฟจนบ่าฝักสุก ถ้าจะให้อร่อยหอมหวานเอาใบหวานข้าวใหม่ใส่(ใบเตยหอม)เพื่อเพิ่มรสชาติให้หอมอร่อยยิ่งขึ้น พอแก๋งสุกก็ยกลงจากเตาไฟนำเอาผักป้อมใบหอมที่หั่นไว้ใส่ลงไปทำหือน่ากิ๋นยิ่งขึ้น อาหารปื้นเมืองอย่างอี้เฮายังได้กิ๋นพืชสมุนไพรที่เป็นประโยชน์ต่อสุขภาพต๋วยเน้อเจ้า