- สวัสดีต๋อนค่ำยามฝนพรำ ฟ้าฮ้องเป๋นช่วงๆครับ
- บันทึกปี้กีร์กับผมคล้ายๆกั๋น คือเรื่องน้ำท่วมน้ำนอง แต่ปี๋นี้ท่าจะหนักหนาแต้ว่าครับ ฝนตกหนักติดต่อกั๋นตึงทุกวัน หันข่าวน้ำท่วมเป็นข่าวประจำวันไปแล้วครับ ไผอยู่ใกล้น้ำใกล้ดอยต้องระวังเป๋นพิเศษ โดยเฉพาะน้ำหลากดินถล่มมาถมบ้านเฮือน
- ช่วงนี้บ่ใคร่ได้มามาทักทาย เขียนบันทึกห่างไปพ่องครับ จากต้องประสาน เตรียมงานเกษียณหื้อผู้บริหารของแผนกอาติ้ดหน้า ตกมาช่วงผมเป๋นประธานก๋ำมะก๋านตี้มีหน้าที่จัดงานพอดี หน่วยงานใหญ่กะเลยยุ่งพ่องครับ อีกอย่างกะมัวลุ้นจื้อถนนในมหาลัยที่ผมส่งไปร่วมแล้วผ่านก๋านคัดเลือกเอามาหื้อโหวตแข่งกั๋น ถ้าชนะเขากะเอาไปตั้งเป๋นจื้อถนนในมหาลัย เอาไว้อ้างว่าเฮาเป๋นคนตั้ง ซึ่งปิดโหวตไปแล้วครับ รอผลประกาศผลเป๋นตางก๋านแห่มเตื่อ
- ต๋อนนี้ตางขอนแก่นฝนตกหนักตั้งแต่ต๋อนแลงมาเรื่อยๆกะยังบ่หยุด มีน้ำท่วมไปแล้วหลายตี้ ตางเจียงใหม่เป๋นจะไดพ่องครับ จะไดกะระวังฮักษาสุขภาพตวยครับ
