สวัสดีเจ้า น้องkrugui
- ขอบคุณตี้แวะมาทักทายกั๋นตลอดเนาะเจ้า
- สอนเรียงความแล้วครูหันละอ่อนแป๋งหน้ายุ่ง ก็บ่ม่วนใจ๋เอามาเป๋นกำกึดว่าจะเยียะใดละอ่อนถึงจะเขียนเรียงความได้
- วันนี้ตรวจสมุดงานละอ่อน "เขียนเรียงความวันแม่" อ่านไปอ่านมาเป๋นว่าจื่้อเพลง
- อ่านแล้วน้ำตาครูปอจะตก เนื้อเพลงบอกว่าบ่มีแม่เลยบ่ฮู้จะเขียนเรียงความส่งครูอย่างใด...อ้อฮ่อย..เป๋นดีเอ็นดู ทำฮื้อเข้าใจ๋ละอ่อนตี้บ่าได้อยู่กับแม่นักขึ้น
- ปีนี้ครูดาหลายังบ่ได้ตรวจสุขภาพประจำปีเลยเจ้า ละก็ขณะนี้หน้าแข้งซ้ายเป็นแผลเหวอะ เพราะตกโต๊ะ คือว่าโฮงเฮียนเลิกปิ๊กบ้านแล้ว แต่ยังจัดบรอด์หน้าห้องบ่เสร็จก็ก้าวขึ้นโต๊ะไปแต่งบร์อด พอดีโต๊ะรับน้ำหนักบ่เสมอเลยเอียงทำฮื้อหน้าแข้งครูดกับโต้ะ ปวดแสบปวดฮ้อนขึ้นมาเลย ก้มผ่อเป็นฮอยครูดยาวตามกระดูกหน้าแข้ง บวมเป่งเลย ดีตี้ไปขอน้ำแข็งมาประคบได้และขับรถออกมาไปหาหมอทำแผลและได้ยาแก้ปวด แก้อักเสบมากิน วันพูกต้องไปอบรม 3 วันและนอนค้างตวยเจ้า ท่าจะต้องไปในสภาพตี้ปะหน้าแข้งอยู่จะอี้ละเจ้า
- ขอบคุณเจ้าตี้เป็นห่วงกลัวครูดาหลาจะเป๋นหวัดแต่กลายเป๋นมาเจ็บขาเพราะตกโต๊ะ
- ขอบคุณเจ้า