ค่าวฮ่ำลอยกระทงต.บ้านกลาง
กราบบังคม ประณมนบน้อม
มือต๋างดอกส้อม มธุบุปผา
ขอคาระวะ นะมสิกา
ติรัตนา สามดวงแก้วเจ้า
เจิญท่านทั้งหลาย ญิงจายหนุ่มเฒ่า
มาฟังลำเนา ค่าวนี้
บ่อู้ตี้ไกล หริภุญชัยเมืองนี้
มีมาก่อนกี้ โบราณ
หนึ่งพันสามร้อย ย้อยห้าสิบปี
เทวะฤาษี กึดดี บ่หน้อย
เจิญเจ้าใหญ่โต ละโว้ ไก๋ลจ้อย
จามเทวี ผ่อกอย เมืองนี้
บ่ว่าใกล้ไกล นับไปหมื่นลี้
เจ้าแม่บอกชี้ เขตคาม
ผ่านมาเมินแล้ว ผ่องแผ้วล้นหลาม
หละปูนเมืองงาม ลือนามใหญ่กว้าง
มวลมิตรสหาย ญิงจาย ป่อฮ้าง
ทั่วโขงเขตอ้าง ล้านนา
เป๋นถิ่นเจริญ จวนเจิญ ถ้วนหน้า
ไผไผก็มา เซาะหา ว่าอั้น
อู้ดีฟู่แต้ ปากม่วนจ๋าหวาน
หน้าจุ้มเจยบาน สำราญถ้วนหน้า
เป๋นปุ๋มผญา ปั๋ญญา บ่ฮ้าง
หละปูนเมืองนาง เตียวตางปกป้อง
บ้านกลางเฮานี้
