ตอบอิหล้า..เยาวลักษณ์.. กว่าจะมาตอบก็ถ้าจะช้าไปซะหน่อยเน้อ...ลุงปิ๊กมาบ้านไล่ผ่อเวบ..หันว่ามีจำนวนเลขเพิ่มขึ้นก็เลยแว่เข้ามา.. เรื่องก๋ารเอาหลองเข้ามาแป๋งบ้านเฮือนนั้น ในต๋าราขึ้ดเปิ้นว่า มันบ่เหมาะ เหตุว่า หลองข้าวเป๋นสิ่งที่เก็บข้าวของมีคุณแก่เจ้าของนักแหล่.... บ่ควรจะเอาไม้หลองข้าวมาแป๋งเฮือน อีกอย่างคือว่า มันมีกาย(คาย)ฝุ่นจากข้าวสะสมอยู่อาจจะทำหื้อคนเกิดอาการแพ้ฝุ่นผงต่างๆจากข้าวมีเชื้อโรคสะสม...หรืออย่างน้อยๆ ก็ทำหื้อเฮาเกิดความสงสัย เกิดความบ่ค่อยมั่นใจ๋ในการอยู่อาศัยมันอิกคะหลิ้กสงสัยซะน่อยๆอยู่รำไปนั่นและ... คนบ่ะเก่าเปิ้นว่า "บ่ดีเอาไม้หลองข้าวมาแป๋งเฮือน ... บ่ดีเอาไม้เฮือนไปแป๋งหลองข้าว" เพราะก๋ารใช้ขนาดไม้เฮือนกับไม้หลองข้าวมันบ่เท่ากั๋นต้องตัดทิ้งตัดขว้างทำหื้อสิ้นเปลือง...

เท่าที่ผ่านๆมาลุงบ่หันไผแป๋งซักกำเตื้อก็เลยบ่ฮู้ว่าจะแก้อย่างใดครับ...

แต่ก็เชื่อในเรื่องของการสวดมนต์ในการขึ้นบ้านใหม่อยู่หากมีพิธีขึ้นบ้านใหม่นิมนต์พระมาสวดก็คงจะสบายใจ๋ได้ครับ..

ที่สำคัญหากอยู่แล้วสบายใจ๋บ่มีเภทภัยใดๆก็ถือว่าเป๋นสุขครับ..ใจเป๋นใหญ่  ใจ๋เป๋นประธาน  หากใจ๋เป๋นสุขก็ดีแล้วครับ....

ขออนุโมทนาในก๋ารอยู่บ้านใหม่ครับ...โชคดีครับ

ด้วยความปรารถนาดีจากลุงหนาน...พรหมมา