สวดสะดีครับบ่อลุงหนานพรหมมา ผมขอขอบคุณความเฆฆต๋ากรุณาที่ท่านนั้น ได้หื้อคำแนะนำครับ หนังสือตี่ว่านี้ตี่ลำปางบ่อมีขายครับ..บ่อลุงหนานบอจะแนะนำตี่เจียงใหม่ได้ก่อครับ บ่อหนานครับถ้าบ่อว่ากั๋นผมขอฮ้องบ่อลุงหนานว่า บ่อครูได้ก่อครับอิอิ..คือ (เลื่อมใสแต๊ๆครับ) ปี๋ใหม่เมืองเฮาก่อใกล้จะมาถึงแล้ว ตี่นี้บ้านผมเปิ้นก่อจะมีป๋าเวณีพื้นเมืองหลายอย่างครับ โดยเฉพาะป๋าเวณีแห่ไม้ก้ำศรีครับ บ่อครับผมจัดรายการวิทยุท้องถิ่นสืบฮีตตวยฮอยวัฒนธรรมท้องถิ่น จ๋ารีตป๋าเวณีล้านนา และเป๋นอาจารย์วัดตวยครับ

อายุของผม 33 ปีครับบ่อ ผมเผยแผ่งานค่าวของบ่อหนานหลายๆท่านครับ ได้ฮับการตอบรับของคนท้องถิ่นได้อย่างดี บ่อครับผมอยากฮื้อบ่อจ่วยแต่งค่าวฮื้อจาวลำปางไว้ซักบทครับ เป๋นคำขวัญของลำปางนั้นมีอยู่ว่า "ถ่านหินลือชา รถม้าลือลั่น เครื่องปั้นลือนาม งามพระธาตุลือไกล ฝึกช้างใช้ทั่วโลก"ครับ .. (ขอแห๋มน้อยครับสาวๆเซรามิคเปิ้นขอ) เพราะลำปางเป๋นเมืองเครื่องปั้นดินเผาเมืองเซรามิคครับและมีข้าวแต๋นตวย ขอบคุณครับบ่อครู ขอบคุณจ๋าดนัก ขอบคุณจ๋าดหลาย บ่อได้ขอบคุณบ่อดาย ซักวันจะไปดำหัวบ่อครูครับ รักษาสุขภาพตวยเน้อครับบ่อครู สวัสดีครับ หนานเอคนบ่เก่า เข้าบ่ต๋าน ..เขลางค์นคร