"เสียดายภูมิปั๋ญญา ๑๗"
....
เพลงซอค่าวฮ้อง...ทำนองหลากหลาย...ฟังกั๋นสบาย...ป่อจายคนเฒ่า
อู้ดีแต๊หนา...เฮฮายามเข้า...กลุ่มของจายเฮา...ม่วนเพราะ
จื่อว่า "ป่อดิ๋น"...บ่อหมิ่นทะเลาะ...เซาะก๋วนชาวบ้าน...แพะนา
ภูมิปั๋ญญาล้น...กว่าคนศึกษา...เกษตรไฮ่นา...ป่อปาแม่(เป็ง)สู้
ดนตรีเมืองเหนือ...เก่งเหลือทุกผู้...กวรได้เชิดชู...หยิบยก
ขึ้นเป๋นคุณครู...ใจ่หลู่ว่าฮก...หาก่าบ่อได้...สักครา
หละอ่อนควรเน้น...เฟ้นมาศึกษา...จ๊อยซอลานนา...ตี๋ก่าบ่อได้
กำเมืองนั่นหนา...กวรปากั๋นใกล้...อู้จ๋าเมื่อใด...ก่อเพราะ
จ่วยกั๋นขับขาน...เมินนานพ่องเลาะ...อย่าปล่อยหื้อไข้...ใกล้ยา
ซอค่าวอย่าเว้น...โดดเด่นนักหนา...ฮีตฮอยเมินมา...ลองหนาจ๋าอู้ ๆ
...
ป่อหลิน(ดิ๋น) จำเดิม เปิ่นอายุเข้าเลขหกสิบห้าปี๋แล้ว เป๋นครูภูมิปั๋ญญาชาวบ้านของเฮา ด้านดนตรีแถมคนนึ่ง ชำนาญก๋ารฮ้องซอ...ทุกวันนี้เปิ่นกะยังเล่นยังซุ่มฮ้องซออยู่ตลอด เพลงกำเมืองโตยหนา...ลูกหลานญาติมิตรปี่น๊องบ้านเฮา คนใดสนใจ๋...จะมาขอเฮียนฮู้เป็นลูกศิษย์ลูกหาเกาะมาได้ ป่อดิ๋นเปิ่นกะท่าจะบ่อหวงวิชาเหมือนกั๋นหนะก้าาา...
...
บางคนอาจจะยังบ่อไค่ฮู้เรื่องค่าว ซอ จ๊อย เต่าใด ก็เลยหาคลิปตี่เกี่ยวข้องมาหื้อผ่อประกอบตวยเน่อออครับ...
…
"พี่หนาน"
5/04/2558
ม่วนขนาดนักเจ้า :)
ตึงม่วนเจ้าค่าว จ้อย ซอ อยากฟังตี้เปิ้นอ่านอยู่ที่ต้นสลากสร้อย ฮ่ำฮ้องเป็นค่าวเช่นกันเนาะ..อ่านคำตานไปหาผู้ล่วงลับเจ้า...ฮ้องว่าหยั่งเจ้า
คารวะครูป่อหลิน ครูภูมิปัญญาชาวบ้านค่ะ
ขอขอบคุณคุณหมอ คุณครู กัลยาณมิตรที่ให้กำลังใจทุกท่านมากนะครับ...
ขอขอบคุณครู อาจารย์ กัลยาณมิตรต่อไปนี้ทุกท่านมากครับผม...
….. อ่านต่อได้ที่: https://www.gotoknow.org/posts/588495