ซอเศรษฐกิจพอเพียง ขอกราบวันตา พ่อแม่ครูอาจารย์ ประธานกรรมการ ตรวจงานวันนี้ เศรษฐกิจพอเพียง ชุปเลี้ยงชีวี ดอยสะเก็ดวิทยาคมนี้สืบสานโครงการ วันนี้วันดี สุขขีแต๊เล้า แขกแก้วเยือนเฮา ชุ่มชื่นหัวใจ ขอเทิดป้อหลวง ปวงชนชาวไทย ป้อหลวงหวงใย พสกนิกรกู้คน ออกตกเหนือใต้ ตี๊ใกล้ตี๊ไกล๋ ประพาสทั่วไทย เยี่ยมเยียนประชาชน จัดตั้งโครงการ ทั่วทุกมณฑล ป้อดำริเมฆฝนเปื้อจ้วยเหลือจาวนา มีพระดำรัส ตรัสสั่งว่าไว้ เศรษฐกิจของไทย อย่าได้กังวัล อยู่อย่างพอเพียง เลี้ยงชีพแห่งตน ด้วยบุญกุศลได้อยู่ดีกินดี โฮงเฮียนดอยสะเก็ด นำมาสืบสาน ดำเนินโครงการ ตี้ป้อหลวงตรัสไว้ เพาะบ่มลูกศิษย์ ความคิดกว้างไกล ตามรอยพ่อฟ้าไทยในหลวงของเฮา คณะครูนักเรียน โฮงเฮียนดอยสะเก็ด เทิดทูลพระบาทสมเด็จ พระภูมิพล เหนือเกล้าเกศา พ่อฟ้าปวงชน มิ่งขวัญผู้คนทั่วแคว้นธานี แปดสิบห้าพรรษา พระราชาของไทย เอกองค์พระทรงชัยมีชัยมงคล ปราศจากโรคภัย ทุกข์ภัยผจญ ขอบุญกุศลหื้อพระองค์ทรงพระเจริญ ขอมีโจคจัย สุขใจ๋แต๊เล้า อันตั๋วข้าเจ้า ขอกราบอำลา ขอสุขสวัสดี ต่อไปภายหน้า หายจากโรคาพยาธิทั้งปวง ขอจบค่าวซอ เปียงปอเต้าอี้ ขอลาน้องปี้ ตี้ฟังค่าวซอ สิบนิ้วมือยอ ขอสากราบไหว้ ขออำนวยอวยจัยหื้ออยู่สุขตื้อวัน บทซอ ครูศรีล้านนา(ครูศิริรัตน์ คำชมภู)
