ค่าว ทุกข์ของคน

ทุกข์ของคนตุ๊กข์ คือบ่มีกิ๋น เซาะบกขุดดิน หากิ๋นบ่กุ้ม

ทุกข์ของเศรษฐี คือมีเกินกลุ้ม กิ๋นเหลือทอดตุม ขว้างละ

ทุกข์ของ ส.ส.  คือขอสัพพะ ไหว้ดะบ่ว่า คนใด

ทุกข์ของอ้ายนี้ ทุกข์ที่เหลือใจ๋ ทุกข์เพราะเบียร์ไทย ขายแปงไปหน้อยๆ

24 พ.ค.54

["พี่หนาน"]

สวัสดีครับ ชูชาติ หนานมหา ใจแก้ว

เข้าใจแต่งค่าวนะครับ ขอยาวๆ กว่านี้สักหน่อยได้ไหม

เกี่ยวกับการหาเสียงของ ส.ส.หนะ

ขอติดตามนะครับ

[ชำนาญ เขื่อนแก้ว]

• ตุ๊กสัพป๊ะตุ๊ก ตุ๊กเพราะหากิ๋น เกิดมาบนดิน ต้องกิ๋นต็องเสี้ยง
• กิ๋นตึงมื้อเจ้า มื้อแลงมื้อเตี้ยง  ไหนจะอมเมี่ยง สูบยา
• บ่มีกะเซาะ หมดมากะหา เป๋นหยังใดจา ตุ๊กล้ำ
• ไว้วอนเศรษฐี คนมีจ้วยก้ำ เป็นคุณเลิศล้ำ นายเฮย (ว่าแล้วขอซักซาว ซื้อเหล้าซักสองเป็กท่าจะดี น้อครับน้อ)

[สนั่น]

หลอนหันความตุ๊ก  ฮีบลุกจากหนี  มุ่งหาความดี  จั๊กลี้หายเศร้า

กึ๊ดถึงพระธรรม  พระพุทธเจ้า  เป๋นเครื่องยึดเอา  มาคิด

อริยะสัจสี่  ควรที่ยั้งคิด  ที่ติดแบบเบ้า  โบราณ

มีเหตุเยื่องตุ๊ก  ร้อยแปดประก๋าร  ดับได้สำฮาญ  พบพานมรรคกล้า

พบพานมรรคกล้า

                          ๒๖ พ.ค. ๒๕๕๔

 

[ชูชาติ ใจแก้ว]

.....

ยุคสมัยนี้ ไอทีสมัย แต่ก๋ารเมืองไทย ไปไหนบ่ป้น

ซื้อสิทธิ์ขายเสียง วงเวียนตวยก้น มันเป๋นวังวน ก่อนแล้ว

ส.ส.หน้าใส มือไม้อย่างแป้ว แป๋งหน้าผ่องแผ้ว ไหว้คน

เลือกผมเตอะครับ รับไว้หน้าสน เลือกแล้วเหลือทน บ่สนจาวบ้าน ๆ

(ก้าย....แต่บ่ดีลืมไปใจ้สิทธิ์เนื้อพี่น้อง...จ่มไปอะ)