ຄົນຕ່າງປະເທດມີແມ່ນບຸກຄົນແນວໃດ?
ໝາຍເຖິງບຸກຄົນທີ່ມີສັນຊາດອື່ນ ເຊິ່ງເຂົ້າມາສາທາລະນະລັດ ປະຊາທິປະໄຕ ປະຊາຊົນລາວ ເປັນການຊົ່ວຄາວຫລືຍາວນານ ເພື່ອປະຕິບັດໜ້າທີ່ໃດໜຶ່ງເມື່ອໝົດກຳໜົດເວລາແລ້ວກໍ່ກັບຄືນປະເທດ ບຸກຄົນເຫລົ່ານີ້ແມ່ນຢູ່ພາຍໃຕ້ການຄຸ້ມຄອງຂອງກະຊວງການຕ່າງປະເທດ ແລະພາກສ່ວນອື່ນໆທີ່ກ່ຽວຂ້ອງ
ຄົນບໍ່ມີສັນຊາດແມ່ນບຸກຄົນຄືແນວໃດ?
ໝາຍເຖິງບຸກຄົນທີ່ອາໃສຢູ່ໃນດິນແດນຂອງສາທາລະນະລັດ ປະຊາທິປະໄຕ ປະຊາຊົນລາວ ເຊິ່ງບໍ່ແມ່ນພົນລະເມືອງລາວ ແລະບໍ່ສາມາດຢັ້ງຢືນໄດ້ວ່າຕົນມີສັນຊາດໃດ ຄົນຕ່າງດ້າວແລະຄົນບໍ່ມີສັນຊາດ ແມ່ນຢູ່ພາຍໃຕ້ການຄຸ້ມຄອງຂອງກະຊວງປ້ອງກັນຄວາມສະຫງົບ ແລະພາກສ່ວນອື່ນໆທີ່ກ່ຽວຂ້ອງ
ຄວາມໝາຍຂອງຄົນຕ່າງດ້າວ
ໝາຍເຖິງທີ່ມີສັນຊາດອື່ນແຕ່ເຂົ້າມາຕັ້ງຖິ່ນຖານ ອາໃສຢູ່ໃນສາທາລະນະລັດ ປະຊາທິປະໄຕ ປະຊົນລາວເປັນເວລາຍາວນານ ຖືບັດຕ່າງດ້າວ ແລະລັດຖະບານຂອງຕ່າງດ້່າວກໍ່ຍັງຮັບຮູ້ຢ່າງເປັນທາງການຢູ່[1]
ຄົນຕ່າງດ້າວໃນລາວມີຈັກປະເພດຄືປະເພດໃດແດ່?
ຄົນຕ່າງດ້າວໂດຍປົກກະຕິແລ້ວຈະມີຄົນຕ່າງດ້າວ ສອງປະເພດເຊັ່ນ ຄົນຕ່າງດ້າວຊົວຄາວແລະຄົນຕ່າງດ້າວຖາວອນ ການມີສິດຂອງຄົນສອງປະເພດນີ້ກໍ່ຈະມີຄວາມແຕກຕ່າງກັນໄປຕາມແຕ່ລັກສະນະຂອງກໍລະນີ
[1] ມາດຕາ7ຂອງກົດໝາຍວ່າດ້ວຍສັນຊາດລາວ ສະບັບປີ 2004.
[2] ມາດຕາ 4 ຂອງດຳລັດ ວ່າດ້ວຍການຄຸ້ມຄອງການເຂົ້າ-ອອກ ສປປລາວ ແລະການຄຸ້ມຄອງຄົນຕ່າງປະເທດ ສະບັບເລກທີ 136/ນຍ, ລົງວັນທີ 25.05.2005.
