นอนสาหล่าหลับตาพ่อสิกล่อม
นอนอ้อมล่อมในผ้าอู่ทอ
พ่อไปไฮ่สิหมกไข่มาหา
พ่อไปนาสิจี่ปลามาต้อน
นอนสาลูกเดอ นอนสาลูกเด่อ นอนสาลูกเดอ นอนสาลูก....เด่อ
ไผบ่นอนแมงจิซอนสิกัดก้น
กุดจี่หม่นสิกัดก้นกัดกอย
พ่อใหญ่หลอยเลาตี๋ตาคือกับแก้
กับแก้ฮ้อง กั๊บโก กับโก
ไทยยโสสิขี่ม้ามาแห่
ม้าน้อยๆ สิตีแล่นนำทาง
นกกระยาง มันบินหาบ่อน
ตาเวนอ่อนพอนึ่งข้าวแลง
ตาเวนแดงพอนึ่งข้าวเหล่า
ตื่นมื่อเซ้าพ่อสิไปหานม
ไปซื้อหนม ฮ้านเจ๊กมาต้อน
นอนสาลูกเดอ นอนสาลูกเด่อ นอนสาลูกเดอ นอนสาลูก....เด่อ...
ไผบ่เซื่อ ผีเป้าผีโพลง
ผีคอนโลงมันออกหาเหยื่อ
ไผบ่เซื่อมันจกตับจกไต
มือพ่อไกวสายเปลยอกย่อน
อ้อนแล่วว่อน ข้างคอนเตาถ่าน
ฮ้องประสานกับจิ้งหรีดน้อย
ออดอี่อ้อยกอไผสีซอ
กรรมหยังน้อ ลูกจึงเป็นกำพร้า
ขวัญตาพ่อนี่เอ้ย ขวัญใจพ่อนี่เอ่ย
ขวัญตาพ่อนี้เอ้ย ขวัญใจพ่อ..นี่...เอ่ย...
จะเอาไปลองใช้
เอาไปกล่อมว่าที่สามีเธอนอนนะ
สามีก็ท่องได้แล้วใครจะกล่อมใคร