คึดฮอด
คึดฮอดอ้ายบุญผ้าเหวดหลายหลาย
คึดฮอดยามมีกัณหลอนแห่แหนตามบ้าน
เฮาไปเคนเจ้าหัวอ้ายหลายคนทีแหนแห่
คึดฮอดเด้ยามยาคูเทศแหล่ฟังแล่วม่วนสะออน
.........................................................................
ซูมื้อนี่คึดฮอดนำการบ้านการเมืองที่หมองหม่น
คึดนำผู้นำคนสร้างปัญหาใหญ่น้อยทำให้วุ่นวาย
แบ่งเป็นฝ่ายต่อต้านบ่มีเลิกลาหนี
จักสีเหลืองสีแดงโฮ่กันนันวุ่น
.........................................................................
คึดฮอดบุญของท่านพระภูมินทร์อย่าสิ้นง่าย
ทศพิธราชธรรมซอยยู่อย่ามีมื้อเสื่อมสูญ
คึดฮอดบุญคึดฮอดฟ้ากระทั่งแม่ธรณี
คึดว่าดีบ่มีเสียเสื่อมคลายลงได้
.............................................................................
คึดฮอดหลาย อยากให้แผ่นดินไทยเฮืองฮุ่ง
ขออย่าหมองหม่นเศร้า ให้เซาฮ้ายด่ากัน
คึดให้ควมคิดค้าน มาประสานเป็นหนึ่ง
สีเหลืองแดง บ่ใซ้ควมฮ้ายให้ฮักแพง...แนถ่อน.
ยาว ยาวไว้ คือสายโทรเลข บาดฮ่าเกิดเหดฮ้อน ยังสิได้เพิ่งสาย
ไปนอนให้หมอรักษา หายดีแล้วใช่ไหมครับ
"เสียดายเด้ เสียดายฮ้ายหนทางไกลเอานี
อ้ายอยู่ทางก้ำพู้น น้องผั่นอยู่ก้ำพี้ บ่มีมื้อพบเห็น
อยากให้หนทางย่อชากังราวบ่อนอ้ายอยู่
หยับมาจอดใกล้ๆ กะสินคำ เมืองน้ำก่ำ...แท้แล้ว
สิได้เผยให้ฮู้แนวข้องคับใจ...อ้ายเอ้ย (ซะงั้น)"
ขอบคุณมากๆค่ะท่าน
ตอนหนุ่มๆ ผมก็พอเล่นผญาได้
ตอนนี้... ชักตื้อ... แต่ยังชอบมากนะครับ
ชอบอ่าน...
เรื่องลำกลอน ก็เคยลำ กลอนของหมอลำเคนฮุด สนุกมาก
เมืองมันหยับบ่ได้ แต่ใจหยับให้ใกล้ชิดได้ครับ
ใจหยับใกล้แล้ว บอกแนวข้องคับใจ ได้นะครับ
" เปิดผ้ากั้งแจ้งสว่างสีเขียว เขียวใบโพธิ์ใบไฮ
ใหญ่บ่ทันเสียดายอ้าย...
...อ้ายเอ้ยเพียงแต่วาจาเว้าภาษาพาม่วน...ซือดอก
บอกบ่ได้ดอกอ้ายใจน้องบ่หาญ
แต่กะดีมี "ไซเบอร์" เฮาได้เจอกันโลกหนึ่ง
ฮ้อยคำเขียนคำนึงส่งให้น้อบ่ซ่าคือได้อยู่เฮียง...."
สบายดีนะคะท่าน
คึดฮอดอาจารย์หลายๆ ตอนนี้หนูเรียนที่มหาสารคาม เรียนภาษาอังกฤษ แต่หนูก็ไม่เคยลืมความเป็นไทยที่ครูรจสอนมา