การเรียนรู้ 2 ภาษา จากพระไตรปิฎกฯ

พระไตรปิฎก อักษร สยาม ร.ศ.๑๑๒ - พระไตรปิฎกสากล อักษรโรมัน

Namo tassa Bhagavato Arahato Sammāsambuddhassa.

Vinayapiṭaka

Pārājikapāḷi

1. Mahāvibhaṅga

Mahāvibhaṅga

Verañjakaṇḍa

Verañjakaṇḍa

1.

2Tena samayena buddho bhagavā verañjāyaṃ viharati naḷerupucimandamūle mahatā bhikkhusaṃghena saddhiṃ pañcamattehi bhikkhusatehi. Assosi kho verañjo brāhmaṇo—  “samaṇo khalu bho gotamo sakyaputto sakyakulā pabbajito verañjāyaṃ viharati naḷerupucimandamūle mahatā bhikkhusaṃghena saddhiṃ pañcamattehi bhikkhusatehi. Taṃ kho pana bhavantaṃ gotamaṃ evaṃ kalyāṇo kittisaddo abbhuggato—  ‘itipi so bhagavā arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho bhagavā’, so imaṃ lokaṃ sadevakaṃ samārakaṃ sabrahmakaṃ sassamaṇabrāhmaṇiṃ pajaṃ sadevamanussaṃ sayaṃ abhiññā sacchikatvā pavedeti, so dhammaṃ deseti ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ; kevalaparipuṇṇaṃ parisuddhaṃ brahmacariyaṃ pakāseti; sādhu kho pana tathārūpānaṃ arahataṃ dassanaṃ hotī”ti.

Mahāsaṅgīti Tipiṭaka Buddhavasse 2500

1V:2-2     

http://www.tipitakahall.net