อาการที่คิดบ่ออก?

1. 
   แม่นการสอบครั้งนี้
   ทั้งภาคเว้าและภาคบ่าย
   มาอุกหลายในทรวง
   ป่วงละเมอสิเป็นบ้า
   ในวิชาภาคเว้านั้น
   ก็สำคัญยุหลายเรื่อง
   ชำเลืองมองผุนั่งใกล้
   บ่พอได้ลำแยง
   อ่านดูโจทย์ก็บ่แจ้ง
   ... มันมิดตึบเหมิดทางไป
   แนวข้อสอบอัตนัย
   มันเดาไปได้โดยยาก
   ฝากแต่เสียงละห้อย
   ลอยลมไปหาหมู่
   เบิ่งดูหน้าหมู่ข่อย
   ก็งงแท้ส่ำกัน
   ในวิชาภาคบ่ายนั้น
   วรรณกรรมวิจารณ์
   ให้ตีโจทย์เรื่องที่อ่าน
   แล้ววิจารณ์หลายข้อ
   สังมางงกะด้อ
   ตีความบ่ฮู้เรื่อง
   เยืองดูหมู่อีกเจ้า
   ก็สุดแท้ดั่งกัน
   บ่ว่าเซ้าหรือบ่ายนั้น
   ครบเครื่องเรื่องวิชา
   มีตำราบ่อ่านดู
   ให้แต่ครูคอยซี้
   ก็บ่ดีดอกเด้เจ้า
   ควรเอาโฮมเข้าใส่
   เทิงอ่านเทิงเรียนเอาให้ได้
   สิสมแท้ดั่งหมาย
   ยามสอบก้บ่ต้องย้าย
   เยืองซ้ายเอียงขวา
   ในมโนความคิด
   สิสว่างขาวจ้า
   ถ่าเอาไว้เทือหน้า
   ข้อสิมาดอกท่าใหม่
   สิตั้งใจกว่าเทือนี้
   ให้ดีแท้แน่นอน