ການເມືອງເປັນເລື່ອງຂອງການແຂ່ງຂັນເພື່ອສະເເຫວງຫາອຳນາດ ເຊີງມີຜົນກະທົບຕໍ່ສັງຄົມການປົກຄອງສ່ວນລວມ ການເມືອງໝາຍເຖິງກ່ຽວກັບການບໍລິຫານວາງລະບຽບກົດເກນສຳຫລັບສັງຄົມເພື່ອໃຫ້ສັງຄົມມີຄວາມສະຫງົບສຸກ ຫລືເພື່ອໃຫ້ເກີດການບຳບັດທຸກ ບຳລຸງສຸກໃຫ້ແກ່ປະຊາຊົນ .
ການເມືອງ ການປົກຄອງມີຄວາມໝາຍທາງລັດຖະສາດດັ່ງນີ້ :
ການເມືອງ ຄື ກິດຈະກຳທາງສັງຄົທີມີຈຸດມຸ່ງໝາຍ ເພື່ອເຂົ້າໄປກຳໜົດທິດທາງການປົກຄອງ ຫລືທິດທາງການເຮັດວຽກຂອງພັກລັດ
ການປົກຄອງ ຄືການໃຊ້ອຳນາດຂອງລັດທີ່ເຮັດຕໍ່ສັງຄົມ ດັ່ງນັ້ນການບຳບັດທຸກ ບຳລຸງສຸກຈຶງເປັນໜ້າທີ່ຂອງຝ່າຍບໍລິຫານ ຄືລັດຖະບານ
ດັ່ງນັ້ນ ການເມືອງການປົກຄອງ ຈິງມີຄວາມກ່ຽວຂ້ອງ ແລະເສື່ອມໂຍງກັນ ເພາະວ່າການປົກຄອງຕ້ອງອາໄສອຳນາດທາງການເມືອງຈິງສາມາດດຳເນີນການໄດ້ສຳເລັດ ດັ່ງນັ້ນການສຶກສາເລື່ອງການເມືອງການປົກຄອງ ຈິງໝາຍເຖິງການສຶກສາອົງກອນທີ່ໃຊ້ອຳນາດ ແລະລະບຽບກົດເກນການບໍລິຫານ
ທຸກໆປະເທດບໍ່ວ່າຈະເປັນລະບອບການປົກຄອງໄດ ສ່ວນຫລາຍເຂົາຈະເເບ່ງອຳນາດໄວ້ 3 ອຳນາດໃຫຍ່ໆໃນການປົກຄອງປະເທດ ອຳນາດອະທິປະໄຕ ໝາຍເຖິງອຳນາດສູງສຸດ ອຳນາດເດັດຂາດ ໃນການປົກຄອງປະເທດ ແລະອຳນາດຕັດສິນທາງກົດໝາຍສຳຫລັບປະຊາຊົນທີ່ຢູ່ພາຍໃນອະນາເຂດຂອງລັດ ປະເທດທີ່ເປັນເອກະລາດຈະຕ້ອງມີອຳນາດອະທິປະໄຕເປັນຂອງຕົນເອງ ແລະຕ້ອງມີຄົບ 3 ຢ່າງ ອຳນາດທັ້ງ 3 ຕ້ອງສາມາດດຳເນີນກິດຈະການພາຍໃນ ແລະພາຍນອກປະເທດໂດຍອິດສະຫລະ ບໍ່ຖືກບັງຄັບຄວບຄຸມ ຫລືແຊກແຊງຈາກປະເທດອື່ນ .
ອຳນາດອະທິປະໄຕມີ 3 ຄື
1.ອຳນາດນິຕິບັນຍັດ (ສະພາແຫ່ງຊາດ) ຄືອຳນາດໃນການອອກກົດໝາຍ
2.ອຳນາດບໍລິຫານ (ລັດຖະບານ) ຄືອຳນາດໃນການນຳກົດໝາຍໄປບັງຄັບໃຊ້
3.ອຳນາດຕຸລາການ (ສານປະຊາຊົນ) ຄືອຳນາດໃນການຕັດສິນຄະດີທາງກົດໝາຍ
ไม่มีความเห็น