.
ຂໍ້ມູນກ່ຽວກັບເອກະສານທີ່ຕິດຕົວຜູ້ກ່ຽວມີ
ໜັງສືເດີນທາງ(Passport) ເລກທີ0011556 ອອກໃຫ້ໂດຍລັດຖະບານຂອງປະເທດຈໍແດນ ໃນວັນທີ 20 ສິງຫາ 2009 ໝົດອາຍຸໃນວັນທີ 20 ສິງຫາ 2014
ໜັງສືເດີນທາງ(Passport) ອອກໃຫ້ໂດຍລັດຖະບານປະເທດປາລາສະຕິນບໍ່ມີ
ວິຊາເພື່ອປະກອບທຸລະກິດ(Temporary Business Visa) ເລກທີ111000 ອອກໃຫ້ໂດຍລັດຖະບານລາວໃນວັນທີ 13 ເມສາ 2010 ໝົດອາຍຸວັນທີ 16 ເມສາ 2014
ຂໍ້ມູນກ່ຽວກັບຄອບຄົວ
Mr. John Ben ມີອາຊີບເປັນຕໍາຫຼວດມີໜ້າທີ່ຮັບຜິດຊອບເປັນເຈົ້າໜ້າທີ່ສືບສວນມີພັນລະຍາແລະມີລູກ 3 ຄົນປັດຈຸບັນອາໃສຢູ່ເມືອງເບທ໌ເລແຮມ ເຂດເວສຕ໌ແບ່ງປາລາສະຕິນ Mr. John Ben ໄດ້ເຊົ້າມາຢູ່ສປປລາວ ແຕ່ປີ 2010ເຖິງປະຈຸບັນປັດຈຸບັນ John Ben ອາໃສຢູ່ສປປລາວ ໄດ້ວິຊາດໍາເນີນທຸລະກິດປັດຈຸບັນວິຊາທຸລະກົດໄດ້ໝົດອາຍຸແລ້ວ(Overstayed)
ສາເຫດທີ່ເດີນທາງອອກຈາກປະເທດຕົ້ນທາງ
ໃນເວລາທີ່ອາໃສຢູ່ເມືອງເບທ໌ເລແຮມ Mr. John Ben ມີອາຊີບເປັນພະນັກລັດ ເຊິ່ງເປັນພະນັກງານສືບສວນສອບສວນໃນຄະດີອາຊະຍາກໍາ
ໃນປີ2005 Mr. John Ben ໄດ້ຮັບມອບໝາຍໃຫ້ສອບສວນຄະດີ Mr. Thomas ອາຍຸ15ປີທີ່ເສຍຊີວິດຍ້ອນການແຂນຄໍຕາຍດ້ວຍຕົວເອງ Mr. John Ben ໄດ້ຜ່າຕັດຊາບສົບMr. Thomas ເພື່ອສັນລະສູດຊາບສົບດັ່ງກ່າວ
Mr. John Ben ອ້າງວ່າການກະທໍາດັ່ງກ່າວຂອງຕົນ(ຜ່າສັນລະສູດສົບ)ເຮັດໃຫ້ຍາດພີ່ນ້ອງຂອງຜູ້ທີ່ເສຍຊີວິດບໍ່ພໍໃຈ ເນື່ອງຈາກວ່າເປັນການທາລຸນແລະທໍາຮ້າຍຮ່າງກາຍຂອງຜູ້ທີ່ເສຍຊີວິດຢ່າງຮ້າຍແຮງຕາມຄວາມເຊື່ອຂອງສາສະໜາອິດສະລ່າມ
ຫຼັງຈາກນັ້ນເປັນຕົ້ນມາ Mr. John Ben ອ້າງວ່າຕົນເອງໄດ້ຖືກທໍາຮ້າຍຮ່າງກາຍຢ່າງຮຸນແຮງຈາກຍາດພີ່ນ້ອງຂອງຜູ້ຕາຍແລະຍັງຖືກຂົ່ມຂູ່ ແລະໃຫ້ອອກຈາກເມືອງເບທ໌ເລແຮມ
ດ້ວຍເຫດນີ້Mr. John Ben ຈຶ່ງອ້າງວ່າຕົນເອງມີຄວາມຈໍາເປັນຕ້ອງໄດ້ອອກຈາກເມືອງເບທ໌ເລແຮມປະເທດປາລາສະຕິນ
ສາເຫດທີ່ສໍາຄັນອີກອັນໜຶ່ງທີ່ພາໃຫ້Mr. John Ben ຕ້ອງຕັດສິນໃຈເຂົ້າມາໃນສປປລາວຍ້ອນວ່າມີຄົນແນະນໍາທີ່ສາມາດເຮັດວິຊາແບບດໍາເນີນທຸລະກິດໄດ້
ຫຼັງຈາກທີ່Mr. John Ben ໄດ້ວິຊາທຸລະກິດກໍໄດ້ເຂົ້າມາຢູ່ໃນສປປລາວ ແຕ່ຫຼັງຈາກນັ້ນMr. John Ben ກໍ່ໄດ້ໄປເຮັດວຽກໃນຮ້ານອາຫານແຫ່ງໃນນະຄອນຫຼວງວຽງຈັນ(ໃນຖານະເປັນລູກຈ້າງກິນເງິນເດືອນ)
ຂໍ້ມູນພື້ນຖານຂອງປະເທດຈໍແດນ
ຕັ້ງແຕ່ປີ 1954 ເປັນຕົ້ນມາປະເທດຈໍແດນຮັບຜູ້ລີ້ໄພຊາວປາລາສະຕິນອາໃສຢູ່ East Bank ຫຼືWest Bank ເປັນສັນຊາດຈໍແດນ ແຕ່ໃນເມື່ອປະເທດອິດສະເອວໄດ້ເຂົ້າມາຄວບຄຸມພື້ນທີ່ຝັ່ງWest Bankປີ 1983 ປະເທດຈໍແດນຈິ່ງໄດ້ວາງລະບົບໃໝ່ເຊັ່ນ ຊາວປາລາສະຕິນທີ່ອົບພະຍົກຈາກWest Bank ມາອາໃສຢູ່ໃນ East Bank ກ່ອນວັນທີ1 ມີຖຸນາ 1986 ຍັງຖືໄດວ່າເປັນຄົນສັນຊາດຈໍແດນ ແລະຖື “ບັດສີເຫຼືອງ(yellow card)” ແຕ່ວ່າຖ້າຄົນປາລາສະຕິນທີ່ອົບພະຍົກເຂົ້າມາຫຼັງວັນດັ່ງກ່າວໄດ້ຖືບັດ“ບັດສີຂຽວ (green card)” ເຊິ່ງໝາຍຄວາມວ່າບໍ່ມີສິດໄດ້ສັນຊາດຈໍແດນ, ບໍ່ມີສິດທິທີ່ຈະອາໃສໃນປະເທດຈໍແດນ ແຕ່ວ່າບຸກຄົນທີ່ຖືບັດສີຂຽວສາມາດຂໍເອກະສານເດີນທາງຈາກປະເທດຈໍແດນໄດ້ເພື່ອໃຊ້ໃນການເດີນທາງໄປປະເທດອື່ນແລະໃຊ້ສໍາຫຼັບການເດີນທາງເທົ່ານັ້ນ(The Palestine Yearbook of International Law 2000/2001) ແລະຈາກລາຍງານຂອງ Human Rights Watch ເລອື່ງ “Stateless Again: Palestinian-Origin Jordanians deprived of Their Nationality”ໃນວັນທີ 2 ກຸມພາປີ 2010ກໍ່ໄດ້ກ່າວໃນໃນທໍານອງດຽວກັນ
ໃນກໍລະນີຂອງMr. John Ben ກໍ່ເຊັ່ນດຽວກັນMr. John Ben ໄດ້ຂໍໜັງສືເດີນທາງຈາກປະເທດຈໍແດນເພື່ອໃຊ້ໃນການເດີນທາງອອກນອກພື້ນທີ່ ທີ່Mr. John Ben ມີຄວາມຂັດແຍ່ງກັນMr. John Ben ໄດ້ອ້າງວ່າຖ້າຫາກວ່າໃຊ້ໜັງສືເດີນທາງເດີນທາງຂອງປະເທດປາລາສະຕິນຈະບໍ່ສາມາດເດີນທາງໄປປະເທດຕ່າງໆໄດ້ ເນື່ອງຈາກປາລາສະຕິນຍັງບໍ່ຖືເປັນ “ລັດ” ໃນສາຍຕາຂອງປະເທດສ່ວນໃຫຍ່
ຖາມວ່າ:Mr. John Ben ຈະມີສັນຊາດຫຼືບໍ່? ຖ້າມີຈະມີສັນຊາດຕາມກົດໝາຍຂອງລັດໃດ? ເພາະເຫດຜົນອັນໃດ?
ຕາມກົດໝາຍເຂົ້າເມືອງຂອງສປປລາວMr. John Ben ໄດ້ເຂົ້າມາຖືກຕ້ອງຕາມກົດໝາຍລາວຫຼືບໍ່? ໃຫ້ເຫດຜົນ
Mr. John Ben ໄດ້ເຮັດວຽກຖືກຕ້ອງຕາມກົດໝາຍຂອງສປປລາວຫຼືອບໍ່? ໃຫ້ເຫດຜົນ
Mr. John Ben ມີສິດທິອາໃສໃນສປປລາວໄດ້ຫຼືບໍ່? ຕາມກົດໝາຍຫຼືລະບຽບການອັນໃດແລະພາຍໃຕ້ເງື່ອນໄຂອັນໃດ?
ไม่มีความเห็น