I ຄວາມຮູ້ພື້ນຖານກ່ຽວກັບກົດໝາຍລະຫລ່າງຊາດສ່ວນບຸກຄົນ
ກົດໝາຍລະຫວ່າງຊາດສ່ວນບຸກຄົນເປັນກົດໝາຍຂະແໜງໜື່ງ ຂອງກົດໝາຍ ລະ ຫວ່າງທົ່ວໄປເພາະວ່າເປັນກົດໝາຍທີ່ມີຂໍ້ບັງຂັບໃຊ້ໃນການປະຕິບັດໃນການພົວ ພັນ ລະຫວ່າງບຸກຄົນກັບບຸກຄົນໃນທາງລະຫວ່າງ ປະເທດທີ່ມີສັນຊາດຕ່າງກັນ ກົດເກນ ດັ່ງກ່າວມີລັກສະນະສະເພາະຂອງມັນ ມັນມີລັກສະນະທີ່ແຕກຕ່າງກັບກົດໝາຍກຸ່ມ ອື່ນເຊັ່ນ: ກົດໝາຍລະຫວ່າງຊາດສ່ວນສາທາລະນະ
II ຄວາມໝາຍຂອງກົດໝາຍລະຫວ່າງຊາດ
ກົດໝາຍລະຫວາງຊາດໃນຍຸກກ່ອນຫຼືສະໄໝຕົ້ນ ເພີ່ນກໍ່ຖືວ່າເປັນກົດໝາຍທີ່ມີການລວມກຸ່ມ ເປັນອັນດຽວກັນເນື່ອງຈາກມີຂໍ້ຈຳກັດ ເນື່ອງຈາກມີຂໍ້ຈຳກັດຢູ່ສະເພາະເລື່ອງເຊັ່ນ: ເລື່ອງທາງການຄ້າ, ການເດີນເຮືອ,ການເຮັດສົງຄາມກ່ຽວກັບບັນຫາສັນຕິພາບ ແລະ ການກຳນົດ ເຂດເສັ້ນ ແດນ ( ເມື່ອກ່ອນແມ່ນບໍ່ມີການແຍກຄືປະຈຸບັນ ) ແຕ່ປະຈຸບັນສັງຄົມມີການຂະຫຍາຍ ຕົວເພີນຈື່ງໄດ້ແຍກອອກເປັນສ່ວນໆ ແລະ ຕໍ່ມາກໍ່ໄດ້ມີການຂະຫຍາຍຕົວ ຂອງລັດ ໄດ້ເກີດມີອົງ ການສະຫະປະຊາຊາດ
ກ) ກົດໝາຍລະຫວ່າງຊາດສ່ວນສາທາລະນະ
ແມ່ນກົດເກນທີ່ໃຊ້ບັງຂັບ ໃນການພົວພັນລະຫວ່າງລັດ ທີ່ມີເອກະລາດທັງຫຼາຍ ຫຼື ໃຊ້ບັງ ຂັບສາຍພົວພັນລະຫວ່າງລັດກັບອົງການລະຫວ່າງປະເທດກົດເກນດັ່ງກ່າວແມ່ນມີຂໍ້ຜູກພັນ ເໜືອລັດ ແລະ ນຳພາໃຫ້ລັດທີ່ມີອຳນາດອະທິປະໄຕທັງຫຼາຍຍອມສະຫຼະ ອຳນາດອະທິປະໄຕ ຂອງຕົນເພື່ອຮ່ວມກັນເຮັດສົນທິສັນຍາ ເຊີງຫຼັກການດັ່ງກ່າວເປັນການຍອມຮັບໂດຍທົ່ວໄປແລະ ຖືວ່າເປັນຫຼັກການກົດໝາຍທີ່ເຮັດຂື້ນເພື່ອລະບຽບການໃນການພົວພັນລະຫວ່າງປະຊາຊາດ ເອກະລາດທັງຫຼາຍ ແລະ ເພື່ອບັນລຸຈຸດປະສົງທີ່ຕັ້ງໄວ້ຮ່ວມກັນ.
ຂ) ຄວາມໝາຍຂອງກົດໝາຍລະຫວ່າງຊາດສ່ວນບຸກຄົນ.
ໝາຍເຖີງກົດເກນທີ່ໃຊ້ໃນທາງປະຕິບັດທາງສາຍພົວພັນລະຫວ່າງບຸກຄົນກັບບຸກຄົນຫຼືນິຕິ ບຸກຄົນ ທີ່ເປັນເອກະຊົນທີ່ມີສັນຊາດຕ່າງກັນ ແລະ ມີສາຍພົວພັນລັກສະນະລະຫວ່າງປະເທດ ຈາກຄຳນິຍາມດັ່ງກ່າວຈື່ງສາມາດແຍກອອກເປັນ 2 ປະການຄື
1)ຈະຕ້ອງເປັນສາຍພົວພັນທີ່ກ່ຽວກັບເອກະຊົນ ຫຼື ນິຕິບຸກຄົນໂດຍອາດຈະເປັນການພົວພັນ ລະຫວ່າງບຸກຄົນກັບບຸກຄົນດ້ວຍກັນເອງ ເຊີງມີສັນຊາດຕ່າງກັນ ແລະ ມີສິດທາງດ້ານກົດໝາຍ
2)ຈະຕ້ອງເປັນສາຍພົວພັນທີ່ມີລັກສະນະລະຫວ່າງປະເທດຫຼືເປັນເງືອນໄຂສຳຄັນທີ່ມີປັດໃຈຕ່າງປະ ເທດເຂົ້າມາກ່ຽວຂ້ອງ ຫຼື ມີອົງປະກອບຕ່າງປະເທດ.
ไม่มีความเห็น