เล่นสงกรานต์พอดี พอด้าม
. (กลอนอ่านปางคำ)
•ม่วนพอดี พอส่ำด้าม พอค่าควรตน
มีบันยะบันยัง ยึดสายกลางไว้
อันตรายขวางหน้า ใผนอทวยถืก
การกิน เมามักซิ้ง เถิงเศร้าส่งสะการ
•สุรา คันดื่มให้ เกินขีดกายา
เครื่องใน พังเสียหาย ตับไตหัวใจแพ้
โรงงาน เมรัยเหล้า เขารวยคักแน่
ซ้าง/สิงห์เมาบ่ย้าน เงินซื้อซะซาย
•ขี่ยนต์ยานเที่ยวย้าย ทังกรึ๊บเสบสลอง
คนบูฮานพาสอน บ่เป็นแนวนี้
บุญสงกรานต์เมือบ้าน ขานขาบพ่อแม่
สรงดูก สังโคตรเซื้อ สรงเจ้าพระสงฆ์
•การสูญเสียพันฮัอย เถิงแก่ชีวิต
คนอยู่หลังโศกเศร้า เป็นปมด้อยตลอดไป
ขอเพียงพอดีด้าม แนวกินแนวดื่ม
บ่วือวาว่าฮ้าย อภัยได้แฮ่งดี
•อีกทัง การขับใซ้ ขนส่งยนต์ยาน
มีน้ำใจปราศรัย บ่เห็นแก่ได้
รถใหญ่แลรถน้อย สงสารถนอมฮัก
เทศกาลบุญจึ่งได้ บุญแท้ดั่งหมาย ท่านแล้ว
ชาตรี เสงี่ยมวงศ์
๑๐ เมษายน ๒๕๖๑
(กลอนอ่านปางคำ : เรียกตามนาม 'ปางคำ' ผู้แต่งวรรณคดีสองฝั่งโขงสินไซคำกลอน มาได้ 370 ปี)
ขอบคุณภาพในกูเกิล
ไม่มีความเห็น