^. ลำเกี้ยว .^
โอยเด้ชาย ฟังเด้ออ้าย ชายงามซู้ปล่อย
ฟังเด้ออ้าย ชายงามซู้ปล่อย
เจ้าผู้ฮอยบาทฮ้อย ออยต้านต่อผาน
ฟังฝ่ายจ้น ฝนคลื่นคนองเสียง
เมขลารำวอน อ่วยแขนโยนแก้ว
ทิวแทวไม้ เอนไหวสะบัดโยก
แนวว่าลมต่อยต้อง พานปี้นปิ่นไป
คำแก่นอ้าย บาบ่าวคีงคม
ผสงค์ดอมคำจา จ่ายผญามาเกี้ยว
หมายหยับม้อน มาซอนสวนหม่วง
หมายหยับสวนหมากหมี้ มาซ้อนหมากขนุน
อ้มเอ้ยอ้ม อ้มเอ่ยอ้ม ก้มต่ำลงเปรี๋ยง
มัทนาลำเพลิน เสิ่นลมมาเกี้ยว
หลิงแลบ้าง คีงบางคนหล่อ
เห็นพะนางล่ายฮ้าง ตาแก้มบ่หวาน
พั้วดอกซ้อน ซอนพุ่มอินทวา
เจ้าผู้ไหมคำงาม มาตรหมายเคียนตุ้ม
คันว่าบุญนางน้อง สายยาวฮอดพี่
ขอแด่แถนฝั่นคล้อง เฮาฮ้อยใส่กัน
ใส่กันอดสาฮ้อยฮ่วมกัน..........
- - - - - - - - - กลอนอ่านอักษรสังวาส - - - - - - - - -
มัทนะ พาธา
11/05/2559
ขอบคุณภาพงามๆเด้อค่ะ
ไม่มีความเห็น