สัจจธรรม

 มือหนึ่ง    ข้อยนั่งเหล้น         เนาอยู่เถียงนา

ลมมันเย็น         พัดมาเลยง้วง

ข้อยเลย      นอนลงข้าง           เสากลางใกล้แอ่ง

หลับมิดม้อย          เลยเข้าสู่ภวัง  ชั่นแหล่ว

จึ่งฝัน   พานพบพ้อ          มวลหมู่แมงมุม

หลายพันโต          อยู่เนาในถ้ำ

ตาแดงจ้า          ประกายแสงใสส่อง

โอ้นอ   มีทุกหม้อง          ตาย้านหยักใย  พ้อมเด้

ข้อยว่า   สิหยับหย่างย้าย         หันอ่วยคืนหลัง         

มีสิงเสือ        ลัดขวางตันหน้า

ข้อยจึ่ง  จาขานเว้า          ขอนำทานแด่

ทุกสิ่ง  ค่อยหยับย้าย           ทะยอยเข้าถิ่นตน   ไปแหล้ว

จากนั้น  เลงเถื่อนถ้ำ        เลาะลอดลงใน

เห็นสีแสง          ส่องประกายใสแจ้ง

เหลืองๆเหลี้ยม        สุวรรณทองทุกที่

จับกัน  เกาะกลุ่มก้อน            ตำต้องตื่นตา   แท้เด้

ข้อยจึ่ง  กำกอบไว้        หวังแม่นของตัว

พอตื่น  คัวหาใส           บ่มีหยังแท้

เพียงแต่  ฝันลมแล้ง          มาหลอยหลอนหลอก

บ่จีรังเที่ยงแท้        คือข้อสัจจธรรม  แท้แหล้ว

จารย์แจ๊ค