ค่าว เบื่อผู้แทน

ผู้แทน ส.ส

.........

อู้เรื่องผู้แทน มันแกนหัวใจ๋ ส.ส.เมืองไทย ไผก็ฮู้เสี้ยง

ส่วนนักมีหลาย มากมายเกือบเกลี้ยง บ่อาจนับเรียง ว่าครบ

ว่าหมู่ได้เป๋น เอนตอนปะพบ  บ่สบใจ๋อ้าย คนเฮา

มาเฟียนักแต๊ แห่สมัครเหมา ผู้แทนของเฮา มันเป็นอย่างอี้

บ้านเมืองสับสน มึดมนป่นปี้ กึ๊ดผ่อหื้อดี เตอะครับ

ผู้แทนแทนไผ ไผเป็นคนนับ บังคับตั๋วเลือก เดิมเดิม

          อู้ได้ไหว้ตั๊ก ต๋อนสมัครเสริม มารยาเหมือนเดิม เพิ่มเติมเล็กหน้อย

เพื่อพี่น้องผม อู้ลมจ้อยจ้อย ดีล้ำเลิศลอย บ่ยั้ง

บ่กองได้เป๋น เอนเหลือไม้ซั้ง นั่งรถม่านกั้ง บังลม

ตี่เกยอู้นั้น มันเหมือนดินถม ล่องลอยตวยลม  จ๋มหายไปเสี้ยงๆ

1 มิ.ย.54