--------------
ปี๋ใหม่ใกล้เข้า หมู่เฮาตังหลาย ตึงญิงแลจาย สุขใจ๋จื่นสู้
ปี๋ใหม่มาถึง คนตึงหลามหลู้ ปิ๊กคืนมาจู บ้านเก๊า
ญาติมาปะกั๋น สุขสันต์แต๊เล้า ดำหัวคนเฒ่า หม่อนนาย
สรงน้ำพุทธะ หื้อตุ๊กข์สว่างหาย เล่นน้ำบ่ดาย ก็หายโศกเศร้า
ขอหื้อสุขสันต์ อย่ามันส์กับเหล้า จ่างปาหื้อเฮา เดือดฮ้อน
อย่าเอาน้ำแข็ง หดแฮงสะต้อน อย่าเอาแป้งป้อน ลวนลาม
ปะแป้งหดน้ำ บ่งามอย่าต๋าม จ๋งเอาความงาม ทำต๋ามแบบเบ้า
แต่งก๋ายมิดชิด ปกปิดฮ่างเจ้า แม่ญิงบ้านเฮา งามล้ำ
ขอหื้อสุขใจ๋ เย็นทัยอย่างน้ำ สุขมาอยู่จ้ำ ฮอมเติง
ปี๋เก่าล่วงป๊น ดลสุขมาถึง ปี๋เหม้าเลาเลิง สุขเปิงทั่วหน้าๆ
8 เมษายน 2554
---------------------
ปี๋ใหม่ม่วนคึก นึกถึงเหล้าขาว ของดีบ้านเฮา เอามาฮับต้อน
นั่งกิ๋นกั๋นหลาย มากมายมาข้อน มาฮับกำปอน ป่ออุ๊ย
เมาเหล้ามอกสึง มันตึงเย็นซุ้ย กิ๋นนักจะตุ้ย เนอนาย
ไปแอ่วบ้านน้อง ล่องกองสุดสาย หดน้ำกั๋นไป ม่วนใจ๋เสี้ยงถ้านๆ