ຄວາມຄິດເຫັນຂອງນັກສຶກສາປີ 4 IR ສົກສຶກສາ 2010 – 2011 (1)
-
1. ມື້ນີ້ໄດ້ຮຽນຮູ້ຫຍັງແດ່?
- ມື້ນີ້ຂ້າພະເຈົ້າໄດ້ຮຽນຮູ້ກ່ຽວກັບວິທີການສອນແບບໃໝ່ເຊັ່ນວ່າ ການເອົານັກສຶກສາເປັນໃຈກາງ ເປັນການຮຽນຮູ້ໂດຍຜ່ານອິນເຕີ ເນັດ.
- ການໃຊ້ອິນເຕີເນັດເພື່ອຊອກຫາຂໍ້ມູນຕ່າງໆທີ່ກ່ຽວກັບກົດໝາຍລະຫວ່າງຊາດທີ່ອາຈານບຸນມີ ໄດ້ແນະນໍາ BOX ທີ່ອາຈານໄດ້ສ້າງຂຶ້ນເອງ ເພື່ອໃຫ້ນັກສຶກສາເຂົ້າໄປຊອກຫາຄວາມຮູ້ເພີ່ມເຕີມ ເພື່ອໃຫ້ນັກສຶກສາໄດ້ໄປຕິດຕາມ ແລະ ໃຫ້ຄວາມຄິດເຫັນທີ່ອາຈານໄດ້ນໍາເອົາຄວາມຮູ້ໄວ້ໃນ BOX ທີ່ອາຈານສ້າງຂຶ້ນ.
- ການແນະນໍາການຮຽນ, ການສອນ, ການຄົ້ນຫາຂໍ້ມູນຕ່າງໆ ແລະ ການເຂົ້າໃຊ້ອິນເຕີເນັດໃນການຊອກຫາຂໍ້ມູນຕ່າງໆທີ່ກ່ຽວຂ້ອງກັບວິຊາກົດໝາຍສາກົນພາກລັດ.
- ການຮຽນໃນລະບົບອິນເຕີເນັດ, ການຊອກຫາຂໍ້ມູນການຮຽນກ່ຽວກັບກົດໝາຍລະຫວ່າງຊາດຢູ່ໃນ BOX ທີ່ອາຈານບຸນມີສ້າງຂຶ້ນໄວ້ໃນອິນເຕີເນັດ ແລະ ໃຫ້ນັກສຶກສາທຸກຄົນສາມາດສະແດງຄວາມຄິດເຫັນໄດ້, ຖ້າມີຂ່າວສານ ຫຼືເຫດການໃດໜຶ່ງທີ່ກ່ຽວຂ້ອງກັບບົດຮຽນ ເຮົາກໍ່ສາມາດສະແດງຄວາມຄິດເຫັນໄວ້ໄດ້ ຫຼື ເຂົ້າໄປອ່ານຕິດຕາມການເຄື່ອນໄຫວການຮຽນຢູ່ນັ້ນໄດ້.
- ວິທີການອະທິບາຍກ່ຽວກັບການຮຽນການສອນວິຊາກົດໝາຍລະຫວ່າງຊາດ ແລະ ການຂຽນບົດລາຍງານ ຫຼື ຂໍ້ ຄິດເຫັນຕ່າງໆຜ່ານທາງອິນເຕີເນັດ.
- ການສອນແບບໃໝ່ໂດຍໃຊ້ອິນເຕີເນັດເປັນພາກສ່ວນໜຶ່ງເຂົ້າມາໃນການສອນ.ນອກຈາກນັ້ນເວລາສົ່ງບົດລາຍງານກໍ່ສາມາດສົ່ງຜ່ານທາງນີ້ໄດ້ ໂດຍອີງຕາມແບບຟອມທີ່ອາຈານໄດ້ໃຫ້ລົງທະບຽນ ເພື່ອນໍາໃຊ້ເຂົ້າໃນການສົ່ງບົດ. ຍິ່ງໄປກວ່ານັ້ນ ການສອນ ຫຼື ການຮຽນແບບນີ້ ຈະຊ່ວຍໃຫ້ມັນບໍ່ເສຍເວລາ. ເວລາມີຄໍາຖາມກໍ່ສາມາດຖາມໄດ້ຢ່າງງ່າຍດາຍ.
- ການໃຊ້ບົດຮຽນເຂົ້າກັບ Internet ແລະ ວິທີນໍາໃຊ້.
- ໄດ້ຮຽນຮູ້ວິທີການຮຽນການສອນແບບໃໝ່ໆທີ່ແທດເໝາະກັບຍຸກປະຈຸບັນ ກໍ່ຄືໄດ້ນໍາໃຊ້ວິທີການສອນແບບໃໝ່ທີ່ຈະນໍໃຊ້ Internet ເຂົ້າມາໃນການສອນ ເພື່ອເປັນຄວາມສະດວກໃນການຄົ້ນ ແລະ ການຊອກຫາຂໍ້ມູນຂອງໂຕນັກສຶກສາເອງ ແລະ ທົ່ວໄປ.
- ຫຼັກການທີ່ຈະຮຽນໃນແຕ່ລະອາທິດ. ວິທີການທີ່ອາຈານຈະສິດສອນ, ວິທີການໃຫ້ຄະແນນ ແລະ ການຮຽນດ້ວຍແບບການເຮັດບົດລາຍງານ.ໃຫ້ສົ່ງບົດລາຍງານທາງ Internet ແລະ ເຂົ້າໄປເບິ່ງບົດຮຽນທີ່ອາຈານໄດ້ເຮັດໄວ້ໃນ Web ທີ່ອາຈານໄດ້ບອກ. ບອກວິທີການຮຽນດ້ວຍຕົວເອງໂດຍການໄປສຶກສາຄົ້ນຄວ້າຫາຂໍ້ມູນແລ້ວມາຂຽນເປັນບົດລາຍງານສົ່ງໃຫ້ອາຈານ.
10. ການຊອກຫາຄວາມຮູ້ຜ່ານທາງອິນເຕີເນັດ, ວິທີນໍາໃຊ້ ແລະ ການຂຽນບົດລາຍງານສົ່ງອາຈານຜ່ານ ອິນເຕີເນັດ.
11. ໂຄງຮ່າງ, ແຜນການສິດສອນຂອງວິຊາກົດໝາຍລະຫວ່າງຊາດພາກລັດ ເຊິ່ງອາຈານບຸນມີລາດຊະມີໄຊ ໄດ້ນໍາສະເໜີກ່ຽວກັບບົດຮຽນ ແລະ ຫົວຂໍ້ທີ່ເຮົາຈະໄດ້ຮຽນ ແລະ ການຂຽນບົດລາຍງານ ແລະ ວິທີສົ່ງບົດລາຍງານຜ່ານທາງອິນເຕີເນັດ( Internet ) ແລະ ໄດ້ຮຽນຮູ້ກ່ຽວກັບເວັບໄຊ້ຕ່າງໆທີກ່ຽວຂ້ອງກັບການຮຽນໃນວິຊານີ້ດ້ວຍ.
12. ການຮຽນກົດໝາຍລະຫວ່າງຊາດ ເຊິ່ງເປັນການກະກຽມໃນການຮຽນການສອນ, ການເຮັດບົດລາຍງານ, ຫຼັກການຕ່າງໆໃນການສຶກສາສໍາລັບພາກຮຽນນີ້ ເຊິ່ງຈະມີທາງເລືອກລະຫວ່າງການຮຽນແບບເອົານັກສຶກສາເປັນໃຈກາງ ແລະ ການຮຽນແບບອາຈານເປັນຜູ້ສອນ.
13. ວິຊາກົດໝາຍລະຫວ່າງຊາດພາກລັດໃນປີ 4ນີ້. ມື້ນີ້ ອາຈານໄດ້ຂຶ້ນມາສະເໜີວິທີການຮຽນການສອນທີ່ຈະເປັນໄປໃນສົກຮຽນນີ້. ອາຈານໄດ້ສະເໜີໃຫ້ເຮົາຮຽນທາງອິນເຕີເນັດ ແລະ ຂຽນ blog, ຂຽນຄໍາຄິດຄໍາເຫັນຂອງຕົນກ່ຽວກັບຫົວຂໍ້ຕ່າງໆຢູ່ໃນ blog , ມັນເປັນຫຍັງທີ່ໃໝ່ຫຼາຍ ເພາະວ່າຂ້າພະເຈົ້າເອງແມ່ນບໍ່ຮູກ່ຽວກັບ website ນີ້ເລີຍ ແລະ website ທີ່ກ່ຽວຂ້ອງເຊັ່ນ www.na.gov.lao ເຊິ່ງເປັນ website ທີ່ໜ້າສົນໃຈຫຼາຍ ເພາະມັນຈະມີທຸກຢ່າງຢູ່ໃນຫັ້ນ. ໂດຍສ່ວນຕົວຂ້າພະເຈົ້າເອງແລ້ວ, ການຮຽນມື້ນີ້ແມ່ນມີອັນໃໝ່ໆ ໃຫ້ເຮົາໄດ້ຮູ້ຫຼາຍຂຶ້ນ.
14. ໄດ້ຮຽນຮູ້ຫຼາຍຢ່າງ ໂດຍສະເພາະກ່ຽວກັບການຮຽນຮູ້ການເຂົ້າ website ທີ່ໜ້າສົນໃຈ ແລະ ເປັນ Website ທີ່ມີຄວາມຈໍາເປັນທີ່ພວກນ້ອງຈະສາມາດນໍາເອົາມາໃຊ້ມາເປັນບົດຮຽນທີ່ແປກໃໝ່ ແລະ ທັນສະໄໝຂຶ້ນອີກຕື່ມ.
15. ການເປີດສົກຮຽນໃໝ່ຂອງກົດໝາຍລະຫວ່າງຊາດ ເຫຼັ້ມII ໄດ້ຮຽນຮູ້ກ່ຽວກັບຕາຕາລາງຮຽນ ແລະ ຕາຕາລາງສອນ, ແບບແຜນການຮຽນຂອງອາຈານ ແລະ ມື້ນີ້ໄດ້ຮຽນສິ່ງທີ່ແປກໃໝ່ ໂດຍສະເພາະແມ່ນການຮຽນໂດຍໃຊ້ Internet ທີ່ຈະຄົ້ນຫາຂໍ້ມູນຕ່າງໆທີ່ອາຈານບຸນມີໄດ້ລົງໄວ້ຢູ່ໃນ web.
16. ໄດ້ຮູ້ວິທີການໃຊ້ Internet ແລະ ວິທີການເຂົ້າ web ຂອງວິຊາທີ່ຈະໄດ້ຮຽນໃນຕໍ່ໜ້າ.
17. ຈຸດທີ່ຈະນໍາສະເໜີໂດຍ Mr. Bounmy Ladsamyxay ໂດຍມີການນໍາສະເໜີບົດແບບໃໝ່( ການບັນຍາຍໂດຍຜ່ານຊ່ອງທາງອິນເຕີເນັດ ໂດຍນໍາເອັາການຫັນໃຊ້ Technology ມາຊ່ວຍ ເຮັດໃຫ້ນັກສຶກສາເຮົາມີແນວຄິດໃໝ່ຂຶ້ນ ແລະ ຮູບແບບໃໝ່ນີ້ ມັນບໍ່ຫຼ້າຫຼັງ ) ແລະ ແບບເກົ່າ( ຂຶ້ນຫ້ອງທໍາມະດາ ຕາມຊົ່ວໂມງ, ການໃຫ້ຄະແນນ, ການແຈກຢາຍເອກະສານ ແລະ ອື່ນໆ ).
18. ແບບແຜນການສິດສອນຂອງວິຊານີ້ ແລະ ຮູ້ວິທີການເຂົ້າໄປນໍາໃຊ້ Internet ໃນການຊອກຫາຂໍ້ມູນ ແລະ ສົ່ງບົດລາຍງານທີ່ມີຄວາມສະດວກສະບາຍ ແລະ ສາມາດຕິດຕໍ່ແລກປ່ຽນຄວາມຄິດເຫັນກັບຫຼາຍຄົນ.
19. ການທີ່ຈະນໍາຫາຂໍ້ມູນທາງດ້ານການສຶກສາທີ່ມີສ່ວນກ່ຽວຂ້ອງກັບການຮຽນເຊິ່ງເປັນປະໂຫຍດໃນການສຶກສາ ແລະ ໃນການຂຽນບົດລາຍງານ.
20. ມື້ນີ້ເປັນມື້ທໍາອິດຂອງການຮຽນວິຊາກົດໝາຍລະຫວ່າງຊາດພາກລັດ ເຊິ່ງອາຈານປະຈໍາວິຊາໄດ້ແນະນໍາ ແລະ ອະທິບາຍກ່ຽວກັບແບບແຜນການຮຽນ-ການສິດສອນ ເຊິ່ງເຮັດໃຫ້ນັກຮຽນມີຄວາມຕື່ນເຕັ້ນກ່ຽວກັບລັກສະນະການສອນແບບທັນສະໄໝກວ່າເກົ່າ ແລະ ຮຽນຮູ້ກ່ຽວກັບການຂຽນບົດລາຍງານແບບໃໝ່ທີ່ຕ້ອງສົ່ງທາງ internet ການເຂົ້າໄປຊອກຂໍ້ມູນຕ່າງໆກ່ຽວກັບວິຊາກົດໝາຍລະຫວ່າງຊາດ ເຊິ່ງມັນມີຄວາມສໍາຄັນ ແລະ ຈໍາເປັນສໍາລັບນັກສຶກສາເອງ ແລະ ຍັງສະດວກສະບາຍທັງຜູ້ຮຽນ ແລະ ຜູ້ສອນ ເມື່ອຮູ້ນໍາໃຊ້ website ຕ່າງໆ.
21. ວິທີການສອນຂອງອາຈານ, ຜົນຂອງການນໍາໃຊ້ອິນເຕີເນັດ, ການສົ່ງບົດລາຍງານທາງອີເມລ ແລະ ການຂຶ້ນຫ້ອງ ການໃຫ້ຄະແນນ.
22. ການເຂົ້າເຖິງບົດຮຽນກົດໝາຍລະຫວ່າງຊາດໃນ Internet, ການຊອກຫາຂໍ້ມູນຕ່າງໆ ແລະ ການສະເໜີບົດຂອງອາຈານ.
23. ຮູບແບບການຮຽນ ການທີ່ທາງອາຈານຈະນໍາມາໃຊ້ສິດສອນນັກສຶກສາໃນປີ4 ພາກວິຊາພົວພັນສາກົນນີ້ ເຊິ່ງມີຮູບແບບການຮຽນການສອນທີ່ໜ້າສົນໃຈໂດຍສະເພາະແມ່ນການຮຽນຮູ້ກ່ຽວກັບກ່ຽວກັບວິຊາກົດ ໝາຍລະຫວ່າງຊາດ ຜ່ານທາງ Internet ໂດຍນັກສຶກສາຈະຕ້ອງໄດ້ຕິດຕາມຂໍ້ມູນຂ່າວສານຜ່ານທາງ Website ຂອງອາຈານຢ່າງປົກກະຕິ. ນອກຈາກນີ້ ທາງນັກສຶກສາຍັງສາມາດເຂົ້າໄປສະແດງຄໍາຄິດຄໍາເຫັນທາງ Website ແລະ ສາມາດສົ່ງລາຍງານຜ່ານທາງ ເວັບໄຊ ໄດ້ອີກດ້ວຍ ໂດຍຈະຕ້ອງມີການລົງທະບຽນກ່ອນ ແລະ ຫຼັງຈາກໄດ້ຮຽນໃນແຕ່ລະຊົ່ວໂມງ ນັກສຶກສາຈະຕ້ອງໄດ້ສົ່ງລາຍງານໂດຍມີເນື້ອໃນຢ່າງໜ້ອຍ 4 – 5 ແຖວ.
24. ການກວດເບິ່ງບົດຮຽນກົດໝາຍລະຫວ່າງຊາດທາງອິນເຕີເນັດ. ນອກນັ້ນ ຍັງໄດ້ຮູ້ເຖິງໂຄງການການຮຽນການສອນວິຊາກົດໝາຍລະຫວ່າງຊາດ ໃນພາກຮຽນທີ 1.
25. ມື້ນີ້ເປັນມື້ທີ່ຂຶ້ນຫ້ອງເປັນຄັ້ງທໍາອິດ ເປັນມື້ທີ່ອາຈານໄດ້ຂຶ້ນມານໍາສະເໜີບົດຮຽນໃນການຈະຂຶ້ນສອນໃນຄັ້ງຕໍ່ໄປ, ການສອນການຮຽນໃນການຄົ້ນຫາຂໍ້ມູນໃນ Internet, ການຊອກຫາຂໍ້ມູນຕ່າງໆ ແລະ ການແນະນໍາການສອນ.
26. ການແນະນໍາການຮຽນ ແລະ ການສອນ ແລະ ຕະຫຼອດເຖິງການຊອກຫາຂໍ້ມູນການນໍາໃຊ້ internet.
27. ແຜນການສອນ, ວິທີການຮຽນ, ໃຫ້ຄະແນນ, Website ຂອງອາຈານທີ່ອາຈານແນະນໍາໃຫ້ນັກສຶກສາໄດ້ເຂົ້າໄປຄົ້ນຄວ້າກ່ຽວກັບວິຊາກົດໝາຍສາກົນ ທີ່ຖືວ່າສ້າງຄວາມສະດວກໃນແກ່ນັກສຶກສາເປັນຢ່າງຍິ່ງ.
-
1. ຖ້າເຮົາຮຽນແບບເອົານັກສຶກສາເປັນໃຈກາງ ດີ ຫຼືບໍ່? ຍ້ອນຫຍັງ?
- ຖ້າຮຽນໃນລັກສະນະແບບນີ້ ຂ້າພະເຈົ້າຄິດວ່າອາດມີທັງຜົນດີ ແລະ ຜົນເສຍຄວບຄູ່ກັນໄປເຊັ່ນວ່າ ຜູ້ທີ່ມີຄວາມຮູ້ດ້ານການໃຊ້ Computer ກໍ່ອາດຈະມີຄວາມສະດວກ, ແຕ່ຖ້າຫາກວ່າຄົນທີ່ບໍ່ມີຄວາມຮູ້ທາງດ້ານ Computer ກໍ່ອາດຈະພົບກັບຄວາມຫຍຸ້ງຍາກ.
- ຈະເປັນຜົນດີຕໍ່ນັກສຶກສາ, ຈະເປັນບ່ອນຊອກຫາຄວາມຮູ້ເພີ່ມເຕີມ, ສະດວກໃນການໃຊ້, ສາມາດສົ່ງບົດລາຍງານໃນທາງອິນເຕີເນັດ, ມີຄວາມວ່ອງໄວ.
- ເປັນຜົນດີ ເພາະວ່າຈະເຮັດໃຫ້ແຕ່ລະຄົນໄດ້ປະກອບຄໍາຄິດຄໍາເຫັນ ແລະ ໄດ້ແລກປ່ຽນຄວາມຮູ້.
- ມັນຈະມີຜົນດີ ແກ່ການຮຽນຂອງເຮົາ ເພາະມັນເປັນເສັ້ນທາງໜຶ່ງທີ່ສະດວກໃນການໃຊ້ຄອມພິວເຕີ ທີ່ຈະສົ່ງບົດລາຍງານໃຫ້ອາຈານ ແຕ່ສໍາລັບບາງຄົນທີ່ບໍ່ຮູ້ໃຊ້ ຫຼື ບໍ່ມີຄອມພິວເຕີກໍ່ສາມາດຖາມ ຫຼື ໃຊ້ຄອມພິວເຕີນໍາໝູ່ກໍ່ໄດ້, ເປັນການຊ່ວຍເຫຼືອກັນໄປໃນໂຕເລີຍ ແລະ ເຮັດໃຫ້ພວກເຂົາເຫຼົ່ານັ້ນມີຄວາມພັດທະນາທາງດ້ານເຕັກໂນໂລຢີໄປໃນໂຕ ເພາະຖ້າບໍ່ໃຊ້ຈັກເທື່ອ ມັນກໍ່ຈະບໍ່ເປັນຈັກເທື່ອ.
- ມີຜົນດີຫຼາຍເນື່ອງຈາກວ່າ ການຮຽນຮູ້ອາດຈະວ່ອງໄວກວ່າການທີ່ຈະໄປຊອກຫາປຶ້ມຕໍາລາ ແລະ ເຮົາຈະຮັບຮູ້ກ່ຽວກັບຄວາມຄິດເຫັນຕ່າງໆຂອງຜູ້ອື່ນໆທີ່ແຕກຕ່າງຈາກເຮົາ ແລະ ກໍ່ເປັນວິທີການທີ່ສະດວກສະບາຍຫຼາຍຂຶ້ນ.
- ກໍ່ດີ ຍ້ອນຈະໄດ້ຮັບຮູ້ເຖິງຄວາມຮູ້, ການເຂົ້າໃຈຂອງນັກສຶກສາວ່າຮອດລະດັບໃດແລ້ວ ແລະ ມັນກໍ່ເປັນການດີສໍາລັບອາຈານທີ່ຈະເຂົ້າເຖິງນັກສຶກສາໄດ້ງ່າຍວ່າຄວນຈະປັບປຸງແນວໃດເພື່ອໃຫ້ແທດເໝາະ ແລະ ໃຫ້ນັກສຶກສາເຂົ້າໃຈງ່າຍ.
- ເປັນຜົນດີ ເພື່ອໃຫ້ນັກຮຽນໄດ້ອອກຄວາມຄິດຄວາມເຫັນ ແລະ ເພື່ອໃຫ້ອາຈານເຂົ້າໃຈນັກຮຽນຂຶ້ນຕື່ມ.
- ຖືວ່າດີ ເພາະວ່າການທີ່ເອົານັກສຶກສາເປັນໃຈກາງນັ້ນ ກໍ່ຄື ຈະຊ່ວຍເສີມສ້າງໃຫ້ນັກສຶກສາກະຕືລືລົ້ນຂຶ້ນ ແລະ ຊ່ວຍເສີມສ້າງແນວຄວາມຄິດໃໝ່ໆດ້ວຍຕົນເອງ ປະກອບກັບການຊີ້ນໍາຂອງອາຈານ ແລະ ຍັງເສີມສ້າງທັກສະຂອງນັກຮຽນໃຫ້ປະສິດທິພາບເທົ່າທີ່ຄວນ.
- ກໍຈະເປັນຜົນດີຄືເຮັດໃຫ້ນັກສຶກສາໄດ້ຊອກຮູ້ດ້ວຍຕົນເອງ ໃນການໄປຊອກຫາຂໍ້ມູນ ຫຼືບົດຮຽນມາເຮັດບົດລາຍງານສົ່ງ.ແຕ່ວ່ານ້ອງເອງບໍ່ຮູ້ຈະໄປເອົາຂໍ້ມູນໃສ ເພາະເຂົ້າໄປຫາຢູ່ Internet ບໍ່ເປັນ.
10. ຄິດວ່າເປັນຜົນດີ ເພາະວ່ານັກສຶກສາຈະໄດ້ຄົ້ນຄວ້າບົດຮຽນຫຼາຍຂຶ້ນ, ໃຜທີ່ຍັງບໍ່ທັນຮູ້ກ່ຽວກັບລາຍລະອຽດຂອງບົດຮຽນກໍ່ສາມາດເຂົ້າໄປອ່ານໃນອິນເຕີເນັດໄດ້ ແລະ ຍັງສາມາດອອກຄໍາຄິດຄໍເຫັນໄດ້ອີກ ແລະ ສາມາດສະແດງຄວາມຄິດເຫັນທີ່ແຕກຕ່າງກັນໄດ້ ເພາະທຸກຄົນສາມາດຮັບຮູ້ ແລະ ນໍາໃຊ້ໄດ້ຈິງ.
11. ດີ ເພາະວ່າໄດ້ເຮັດໃຫ້ນັກສຶກສາກ້າສະແດງອອກ, ມີຄວາມເຂົ້າໃຈໃນບົດຮຽນຫຼາຍຂຶ້ນ ເຊິ່ງຈະເຮັດໃຫ້ເຮົາສາມາດຕັ້ງຄໍາຖາມ ເພື່ອຖາມຄວາມຄິດເຫັນຈາກໝູ່ ຫຼື ອາຈານ ແລະ ເປັນວິທີທີ່ເຮັດໃຫ້ນັກສຶກສາມີຄວາມກະຕືລືລົ້ນໃນການຮໍ່າຮຽນຫຼາຍຂຶ້ນ.
12. ຖືວ່າເປັນຂໍ້ດີ ເພາະວ່ານັກຮຽນຈະຮັບຮູ້ເຖິງບົດຮຽນໄດ້ດີ, ຮູ້ເຖິງແຫຼ່ງທີ່ມາ, ເຂົ້າໃຈໃນບົດຮຽນຢ່າງທ່ອງແທ້ ແລະ ມີການກ້າສະແດງອອກ, ເຖິງວ່າຂໍ້ມູນທີ່ນໍາມາ ຈະຖືກ ຫຼືວ່າຜິດ ແຕ່ກໍ່ໄດ້ຮັບປະສົບການທີ່ດີ ແລະ ຈົດຈໍາບົດຮຽນທີ່ຕົນເຮັດມາ.
13. ດີຫຼາຍ ເພາະຈະເອົານັກສຶກສາເປັນໃຈກາງ, ໃຫ້ນັກຮຽນໄດ້ຮູ້ເຮັດຫຍັງດ້ວຍຕົນເອງ, ຮູ້ຈັກຂຽນຄໍາຄິດເຫັນຂອງຕົນ ໂດຍສະເພາະຄົນທີ່ບໍ່ກ້າສະແດງອອກ, ພວກເຂົາຈະສາມາດຂຽນລົງໃນ blogໄດ້ ເຊິ່ງເປັນການດີຫຼາຍ. ແຕ່ເຖິງຢ່າງໃດກໍ່ຕາມ, ກໍ່ຍັງມີຄົນຈໍານວນໜຶ່ງທີ່ສວຍໃຊ້ໂອກາດນີ້ ໃນການຈະບໍ່ເຮັດຫຍັງເລີຍ ແລະ ເປັນອັນຫຍຸ້ງຍາກສໍາລັບຄົນບໍ່ມີ Computer ໃຊ້ ແລະ ໃຊ້ບໍ່ເປັນ.
14. ມັນມີຄວາມແຕກຕ່າງຈາກບົດຮຽນໂຕເກົ່າຫຼາຍຢ່າງ ເພາະວ່າມັນໄດ້ເປັນການຝຶກໂຕເອງໄປໃນໂຕ( ສະເພາະຜູ້ທີ່ບໍ່ມັກນໍາໃຊ້ Computer ) ເນື່ອງຈາກວ່າເຮັດໃຫ້ນັກສຶກສາບໍ່ໜ້າເບື່ອ ແລະ ເຮັດໃຫ້ມີການກະຕືລືລົ້ນໃນການຮຽນຫຼາຍຂຶ້ນ ແລະ ສາມາດນໍາໃຊ້ຄວາມສາມາດໃນໂຕເອງທີ່ສະເໜີໃຫ້ອາຈານຮັບຮູ້ ແລະ ສາມາດນໍາໃຊ້ຄວາມຄິດຂອງຕົນເອງເປັນຫຼັກ.
15. ເປັນຜົນດີຫຼາຍສໍາລັບນັກສຶກສາ IR ແຕ່ກໍ່ມີນັກສຶກສາບາງກຸ່ມບໍ່ຮູ້ນໍາໃຊ້ Internet ແລະ ນ້ອງເອງຄິດວ່າການຮຽນແບບນີ້ມັນເປັນການຝຶກແອບໃຫ້ພວກນ້ອງໄດ້ກ້າວໄປສູ່ໂລກໃໝ່, ໂລກແຫ່ງເຕັກໂນໂລຢີ, ໄດ້ຮັບຄວາມຮູ້ໃໝ່ໆໃນສິ່ງທີ່ເຮົາບໍ່ຮູ້.
16. ມີຜົນດີແນ່ນອນຕໍ່ກັບພວກນ້ອງເອງ ເພາະໄດ້ຮຽນຮູ້ສິ່ງໃໝ່ໆ ໂດຍສະເພາະແມ່ນໄດ້ຮຽນຈາກທາງ netເພາະມັນຈະເຮັດໃຫ້ພວກນ້ອງກ້າວໄປທັນຍຸກທັນສະໄໝ.
17. ເປັນແນວຄິດທີ່ທັນສະໄໝຫຼາຍສໍາລັບໄວໜຸ່ມເຮົາ( ການສື່ສານໂດຍຊ່ອງທາງນີ້ແມ່ນແນວຄິດທີ່ດີ ແລະ ຄິດວ່າໃນອະນາຄົດຂ້າງໜ້າຈະມີຮູບແບບໃໝ່ທີ່ທັນສະໄໝແບບນີ້ກໍາເນີດເກີດຂຶ້ນຕື່ມອີກ ແລະ ແຜ່ຫຼາຍ ).
18. ມີທັງຂໍ້ດີ ແລະ ຂໍ້ເສຍ.ຂໍ້ດີ ແມ່ນຈະສ້າງຄວາມກະຕືລືລົ້ນ ໃນການຊອກຮູ້ຂໍ້ມູນດ້ວຍຕົນເອງ, ຮູ້ຄິດ, ວິເຄາະບັນຫາດ້ວຍຕົນເອງ.ຂໍ້ເສຍ ແມ່ນບາງຄັ້ງທີ່ນັກສຶກສາຊອກມາອາດຈະບໍ່ຖືກຕ້ອງ ຫຼືມີຂໍ້ບົກຜ່ອງບາງປະການ. ນັກສຶກສາບາງຄົນບໍ່ສົນໃຈບົດຮຽນຂອງຄົນອື່ນ ແລະ ວິທີນີ້ແມ່ນໄດ້ໃຊ້ງົບປະມານຫຼາຍເກີນໄປ.
19. ຖືວ່າດີ ເພາະທຸກໆຄົນອາດຈະມີແນວຄວາມຄິດທີ່ແຕກຕ່າງກັນ ເຊິ່ງຈະເປັນການດີທີ່ຈະໄດ້ແລກປ່ຽນແນວຄວາມຄິດໃນການຮຽນ.
20. ມີຈຸດດີ ເພາະວ່ານັກສຶກສາ ສາມາດສະແດງຄວາມຄິດຄວາມເຫັນຂອງຕົນເອງອອກມາໄດ້ຢ່າງເຕັມທີ່ ທັງເປັນການແລກປ່ຽນຂໍ້ມູນຕ່າງໆກັບບັນດານັກສຶກສາດ້ວຍກັນ ແລະ ຄູອາຈານອີກດ້ວຍ. ມັນຈະເພີ່ມປະສິດທິພາບໃຫ້ນັກສຶກສາ ກ້າຄິດກ້າສະແດງອອກ ໂດຍພາຍໃຕ້ການແນະນໍາຂອງອາຈານ.
21. ມີຜົນດີ ແລະ ທັງຜົນເສຍ. ຜົນດີ ແມ່ນມີຄວາມຮູ້ທາງດ້ານ Internet ຫຼາຍຂຶ້ນ. ຜົນເສຍ ແມ່ນເກີດມີຄວາມຫຍຸ້ງຍາກ ເພາະບາງຄົນບໍ່ມີຄອມພິວເຕີ ແລະ ບໍ່ຊໍານານ.
22. ແມ່ນເປັນວິທີທີ່ດີຢ່າງໜຶ່ງ ເພາະມັນເຮັດໃຫ້ນັກຮຽນຈໍາເປັນຕ້ອງໄດ້ຄົ້ນຄວ້າບົດຮຽນຂຶ້ນຕື່ມ ແລະ ເຮັດໃຫ້ເຂົ້າໃຈບົດຮຽນຫຼາຍຂຶ້ນ.
23. ຈະເຮັດໃຫ້ນັກສຶກສາມີຄວາມຕື່ນຕົວ ແລະ ກະຕືລືລົ້ນ, ເຮັດໃຫ້ນັກສຶກສາກ້າຄິດ ກ້າເວົ້າ ກ້າສະແດງອອກ ແລະເຮັດໃຫ້ການຮຽນຂອງນັກສຶກສາດໍາເນີນໄປຢ່າງມີປະສິດທິພາບ.
24. ຈະເປັນການດີ ກໍ່ຄື ນັກສຶກສາໄດ້ໃຊ້ຄວາມສາມາດ ໃນການຊອກຫາຂໍ້ມູນດ້ວຍຕົນເອງ, ນັກສຶກສາມີອິດສະຫຼະໃນການໃຊ້ຄວາມຄິດ ແລະ ຖອດຖອນບົດຮຽນເຊິ່ງກັນ ແລະ ກັນ.
25. ແມ່ນການສອນທີ່ເປັນວິທີໜຶ່ງທີ່ດີ ເຊິ່ງໃຫ້ນັກສຶກສາໄດ້ຮູ້ຈັກຄົ້ນຄວ້າຮໍ່າຮຽນດ້ວຍຕົນເອງ, ເຮັດໃຫ້ໄດ້ຄົ້ນຄວ້າບົດຮຽນຫຼາຍຂຶ້ນຈຶ່ງເຮັດໃຫ້ນັກສຶກສາໄດ້ເຂົ້າເຖິງບົດຮຽນຫຼາຍຂຶ້ນ. ແລະ ຍັງມີຜົນເສຍ ຄືການສຶກສາໂດຍເອົານັກສຶກສາເປັນໃຈກາງເຮັດໃຫ້ບໍ່ສົນໃຈຜູ້ອື່ນ, ບໍ່ຕັ້ງໃຈຟັງອາຈານອະທິບາຍ.
26. ມີທັງຜົນດີ ແລະ ຜົນເສຍ. ຜົນດີ ຄືເຮັດໃຫ້ນັກສຶກສາມີຄວາມກະຕືລືລົ້ນໃນການຮຽນ,ຮູ້ຂ່າວສານທີ່ທັນສະໄໝ, ຮູ້ວິທີການໃຊ້ internet, ຖ້າຈັດເປັນກຸ່ມ ຈະເຮັດໃຫ້ນັກສຶກສາທຸກຄົນມີສ່ວນຮ່ວມນໍາກັນ ແລະ ເປັນການສ້າງຄວາມສາມັກຄີຕື່ມອີກ.
27. ດີ. ເພາະວ່າ ເຮົາສາມາດເກັບຄະແນນໄປແຕ່ລະຊ່ວງ ບໍ່ແມ່ນຈະເກັບຄະແນນແຕ່ຊ່ວງທ້າຍພາກຮຽນຄັ້ງດຽວ. ນອກນີ້ ຍັງເຮັດໃຫ້ນັກສຶກສາມີຄວາມກະຕືລືລົ້ນທີ່ຈະມາໂຮງຮຽນ, ອອກຄວາມຄິດເຫັນໃນຫ້ອງຮຽນໄດ້ຫຼາຍຂຶ້ນ, ມີຄວາມກ້າຫານຫຼາຍຂຶ້ນ.
ความเห็น (1)
Sonenaly Phetsavong
Teaching based on students' needs is very good and useful method, so students are fun because they can participate in their learning and it's very useful. I like your teaching method. Thank you, Sonenaly