... ผญา (กลอนอิสาน) มื้อห่างไกลใจน้องอ้าย อย่าหมายม้างออกห่างกัน ...
มื้อจากไกลดวงใจอ้าย กะเพียงกายย้ายความห่าง ทุกเส้นทางความฮักมั่น บ่เคยกั้นกันระหว่างเฮา
ม่านแสงเงาความคิดฮอด ได้ลอดส่องกล่องหัวใจ ยามหวั่นไหวได้โทรหา บ่เห็นตากะพลอยยิ้ม
เทียวเติมซิมคำฮักเจ้า ทางใจเหงามื้่อหล่ะหน่อย ลืมใจลอยมื้อหล่ะครั้ง เติมหวังอ้ายแต่ละวัน
ด้วยสัมพันธ์ความฮักไคร่ ไกล้หรือไกลให้คือเก่า ขอเพียงเฮากับฮักหมั่น แนวได๋กั้นสิค่อยปืน
มื้อฝนรินแสงแดดเศร้า ไผสิเหงากะตามซ่าง ส่วนว่านางกับโตอ้าย บ่หมายเว้าเศร้าไส่กัน
ด้วยความฮักบ่อาจกั้น เส้นทางฝันบ่อาจห่าง เส้นทางใจน้องและอ้าย อย่าหมายร้างมื้อห่างกัน เด้อครับเด้อ
หมายเลขบันทึก: 402107เขียนเมื่อ 11 ตุลาคม 2010 16:46 น. ()แก้ไขเมื่อ 20 มิถุนายน 2012 21:54 น. () สัญญาอนุญาต: สงวนสิทธิ์ทุกประการจำนวนที่อ่านจำนวนที่อ่าน:
ความเห็น (2)
คั่นว่าฮักน้องมั่นให้ยามอย่าได้ห่าง อย่าได้ไกลเกินอ้างน้องสิคองท่าเด้อ ไปจนได้เน๊าะ......ครั้งแรกในชีวิตที่แต่งผญา
เยี่ยมมากต้องยกนิ้วให้เลยค่ะ