ผญา (กลอนอิสาน) เบอร์เก่ายังเฝ้ารอ

 

ยังซำบายบ่น้อหล่า ตั้งแต่ป๋าไปมีใหม่ หนทางใจเจ้าจบสิ้น อ้ายวินค่วงเป็นห่วงเด้อ

อยากสิเจออยากสิพ้อ ย่านเด้น้อเขาสิว่า เพียงอาสาได้รับรู้ ฮู้ข่าวบ้างกะหว่างใจ

ฝันทางไกลกะหวนสั้น ความสัมพันธ์สิเหินห่าง อ้ายขอวางคำฮักเจ้า เอาใจช่วยด้วยห่วงใย

เธอฮักเขาอ้ายยอมได้ พร้อมดีใจถ้าชมชื่น ถึงสิฝืนใจอยู่บ้าง เพื่อทางเจ้าได้ดั่งหวัง

บ่มีหยังดอกเด้อหล่า แนวได๋จาอยากเว้าสู่ สุขกับทุกข์อ้ายอยากฮู้ ขอให้รู้ถ้ารับฟัง

เบอร์เก่ายังเปิดไว้ถ้า ทุกอาสาพร้อมสิซ่อย ยังถ้าคอยฟังเสียงเจ้า เบอร์เก่าอ้ายเปิดอยู่เด้อ

[กุ้งนาง สุธีรา]

ชอบเพลงนี้ค่ะ มักหลายเด้อ

[อ.ผัก]

     ตาเเม่นคักจั๋งเว่า คำกลอนม่วนชื่น เดียวมื้ออื่นมื้อหน้า สิมาเยี่ยมเทียมทางเด้อ  เอามาลงสู๋มื้อเด้อครับเด้อ

[บ่าวบ้านนอก (บ้านยางขี้นก)]

คุณหลวงเวชการ
เมื่อ ศ. 13 ส.ค. 2553 @ 22:35
#2132783 [ ลบ ]

 ตาเเม่นคักจั๋งเว่า คำกลอนม่วนชื่น
เดียวมื้ออื่นมื้อหน้า สิมาเยี่ยมเทียมทางเด้อ
เอามาลงสู๋มื้อเด้อครับเด้อ

• ขอบคุณครับท่านหลวงที่แวะมาทักทายกัน
  
• ผมสิพยายามเขียน ในบางโอกาสที่พออารมณ์ศิลป์เข้าสิงห์เด้อครับ
• ด้วยความยินดีครับผม