ผญา (กลอนอิสาน) ล้อเล่นเด้ออ้าย - เขียนแทนใจหญิงสาว

เริ่มสิเป็นหล่ะเด้ออ้าย    คิดฮอดหลายฮู้แน่บ่     แบบว่าขอคิดฮอดอ้าย   ทักทายบ้างมื้อห่างกัน

ขอแบ่งปันสรรคำเว้า   เอาเบอร์โทรโชว์ได้บ่ คิดอยากขอยืมแน่อ้่าย ยามใจฮ้ายได้เบิ่งเบอร์

ยืมแน่เด้อแววตาเจ้า   ยามได๋เหงาเอายิ้มส่ง   มื้อได๋ซงอยากกล่าวเว้า ขอเบอร์เจ้าไว้ส่งเสียง

คนยืนเฮียงมียังอ้าย    เว้าทักทายตอนเช้าค่ำ บอกประจำคิดฮอดจ้า   ยามเหมื่อยล้าถ้าส่งใจ

อยากบอกไปว่าฮักหมั่น   อยากเติมฝันนั้นข้างพี่ ส่วนหากมีเขาอยู่แล้ว ขอแซวเว้าเจ้าแน่เด้อ

อยากขอเจอมื้อร้อยเที่ยว อยากพาเที่ยวมื้อพันหน คิดฮอดคนยามใจเหงา กะเว้าเล่นดอกเด้อ อ้ายยยย

เขียนใน GotoKnow โดย บ่าวบ้านนอก (บ้านยางขี้นก)
ใน บ่าวบ้านนอก

คำสำคัญ (Tags): #ผญา (กลอนอิสาน) ล้อเล่นเด้ออ้าย - เขียนแทนใจหญิงสาว

หมายเลขบันทึก: 358346เขียนเมื่อ 14 พฤษภาคม 2010 00:01 น. ()แก้ไขเมื่อ 6 กันยายน 2013 22:54 น. ()สัญญาอนุญาต: ครีเอทีฟคอมมอนส์แบบ แสดงที่มา-ไม่ใช้เพื่อการค้า-อนุญาตแบบเดียวกันจำนวนที่อ่าน