ความงดงามของภาษา
กาฬสินธุ์นี่ดินดำน้ำซุม
ปลากุมบ้อนคือแข่แก่งหาง
ปลานางบ้อนคือขางฟ้าลั่น
จั๊กจั่นฮ้องปานฟ้าล่วงบน
แตกจ้นจ้นเสียงปีบโฮแซว
มีซูอันซูแนวแอ่นระบำรำฟ้อน
"เปิดผ้ากั้งแจ้งสว่างสีขาวขาว
สาวกาสินธุ์มาหาอย่าท่าทางหลายเด้ออ้าย
เห็นน้องดำขี่หลี่อย่าฟ่าวขี่เฮือกาย
เห็นว่าน้องผู้ฮ่ายอย่าฟ่าวกายเฮือหนี
บาดวาเฮือเจ้าหล่มจมวังยังสิได้เอิ้นใส่
ให่อดสาเว่าผู้ฮ่ายซามพ่อเพิ่นผู้ดี
น้องนี่แนวขี่ล่ายโตก่ำดำปี๋
บ่สมแนวผู้ดีมั่งมีคืออ้าย
เห็นว่าผักหมเหี่ยนปลายซานว่าฟ่าวย่ำ
บาดมันผัดยอดขาว
บาดมันทาวยอดด้วน
ยังสิได้กายเกิน
โซคสร่างหล่างซาตาซางลาง
ฮ่างกะซางบ่ห่างคือกะทอ
ความฮักมาพอพอคือกะทองุมไว่
ตกกะเทินว่าได่กำคอแข่
บ่ยอมวางให้หางฟาด
ตกกะเทินได้ขี่ซ้าง
บ่วางให้ตะเลียงหงาย
ฟ้าฮ่องโหย่นเสียงโยนโยนดังไกล
ฟ้าฮ้องใกล้เสียงดังไกลใจสั่น
ฮ้องแล่นพุ่นแลนพี่ใจน้องโวกวิเว
ไปหวั่งหวั่งบ่หันหลังมาเอิ้นสั่ง
คันบ่เอิ้นสั่งใกล้ขอให่เอิ้นสั่งไกลแนเด้อ
ความเห็น (11)
ตะแรกคิดว่า พอเข้าใจภาษาบ้านท่าน
พอมาเจอแบบนี้ เหงาเลย
อยู่กาฬสินธุ์ก็บ้านเดียวกะน้องชาย ครู ท ณ เมืองกาฬ แม่นบ่?
ซำบายดีค่ะ อ่านได้ก็ดีใจแล้วค่ะ
อ่านได้เว้าได้ สำเนียงให้ ฝึกวันเดียวก็พูดได้ (ป.1 ฝึกง่ายค่ะ)
คงสอบเร็จแล้วนะคะ ซำบายดีเด้อค่ะ ขอบคุณนะที่แวะมาทักทาย
(เซาเมื่อยแล้วบ้อ กินน้ำแล้วจังเมือเด้อค้า) หายเหนื่อยยัง ดื่มน้ำแล้วค่อยกลับนะคะ
เขียดอีโม้ เขียดขาคำ ฮ้องลั่นท่ง ปลาค่อบ้อนบึ้ม บึ้ม คนชมชื่นทั่วอีสาน ซั่นแหลว นางเอ้ย
เปิดผ้ากั้งสายตาส่องมองไกล ฝากเถิงสาววิไล อยู่ไกลกาฬสินธุ์ก้ำ เป็นหมอลำเสียงก้อง
เสียงหองเป็นตาหน่าย อ้ายพรชัย ผู้ขี้ฮ้ายขอต้านกล่าวจา ซั่นดอกวา หล่าเอย
ออนซอนครับ ผมชอบมาก
อ้ายพรชัยเอ้ย น้องนี้คนผูฮ่ายปากก่ำกินมันหมก
คันบ่กินหมกมันปากบ่ดำปานนี่
อ้ายอย่าตี๋แถลงเว้าเอาเลามาจักตอก
จักบ่ถึกข่อหย่อบ่ถึกปล้องมันสิเสี่ยวใสมือ
ว่าบ่มีเครือเกี้ยวสังมาเป็นยามย่าง
ว่าตะลางบ่กว้างสังมาได้ผูกควาย
เว่าความเก่ามันม่วนหัวใจ
เด็กน้อยเกิดใหม่เขาลัยลืมถิ่ม
มีแต่ข่อยกับเจ้าพอได้เว่าสู่กัน เนาะอ้าย สะออนคือกันตั๊วะ
(ย่อนวาเป็นไทบ้านนอก ขอกตื้อ สะดือต้อ)
ขอบคุณนะคะท่าน ผ.อ
สวัสดีค่ะ คุณครู
ครูมีนาพึ่งว่างจากความยุ่งๆๆๆ (ที่เราวิ่งเข้าไปหาความยุ่งเอง)
ขอบคุณ ที่แวะเยี่ยม
เป็นกำลังใจนะคะ
ขอบคุณค่ะ
อ่านแล้วชื่นชมครับ ขอให้มีความสุขกับการทำงาน
กาฬสินธุ์นี่ดินดำน้ำซุม
ปลากุมบ้อนคือแข่แก่งหาง
ปลานางบ้อนคือขางฟ้าลั่น
จั๊กจั่นฮ้องปานฟ้าล่วงบน
แตกจ้นจ้นเสียงปีบโฮแซว
มีซูอันซูแนวแอ่นระบำรำฟ้อน
ขอบคูณอ. แผ่นดิน คุณครู mena (คงหายยุ่งแล้วนะคะ อิจฉาคนได้ไปเที่ยว ไม่
ชวนเลยนิ) คุณลุงมหาด้วยนะคะ ยิ้มๆค่ะ
อยากทราบชื่อเพลง ที่มีเนือร้อง ...เห็นน้องดำขี่หลี่อย่าฟ้าวขี่เฮือหนี ปัดท่าเฮืออ้ายหล่มยังสิได่เพิง..
นะค่ะ เคยได้ยินนานมากแล้ว เป็นเพลงผุ้หญิงร้อง เนื้อร้องออกเย็นๆหน่อยค่ะเท่าที่จำได้สมัยยังเด็กๆ รบกวนท่านอาจารย์ตอบด้วยหากทราบ ดิฉันหาเพลงนี้ยากมาก พอดีเข้าเวปนี้พบโดยบังเอิญจากการหาเพลงเนื้อร้องดังกล่าว ขอบพระคุณล่วงหน้าค่ะ
ลุงหนุม ลำปาว
โอ้ยนางเอย คำเจ้าสิเว้ามาหั่น กาฬสินธุ์ดินดำน้าซุ่ม นั้นนะคือคำขวัญจังหวัดเฮาตั้งแต่กกแต่เค้าพากันเว้ากล่าวมาซั่นแหล่ว