----- : ในความหมายที่อยากเว้า ว่า "ฮักเจ้ายังคาใจ :----- (กลอนอิสาน)


บอกคำเดียวกะได้หล่า หากน้องว่า"ขาดเขาบ่ได้" อยู่หม่องได๋กะคงเหงา เจ็บบ่เซากะคืออ้าย

ฮักหล๊ายหลายกะยอมได้ บ่ต้องไล่ด้วยเมินเฉย คำเฉลยจากแววตา คือสั่งลาให้ยอมพ่าย

เฮ็ดนำหลายดีนำเจ้า คงซ่ำเก่าเสมอโต ถึงสิโชว์ความห่วงหา แค่เวลาจ่องดึงไว้

เรื่องหัวใจที่พังพ่าย กะคงกลายเป็นแฟนเก่า เผลอหยิบเอามือถือบ้าง วางคำเว้าเฝ้าส่งหา

คำบอกลาครั้งสุดท้าย บ่มีหลายคำเว้าต่อ อ้ายเพียงขอเผิ่นฮักเจ้า บ่เซาอ้อนตอนห่วงใย

สุดทางใจไปตามตื้อ อ้ายบ่ยื้อให้เขาหน่าย ในความหมายที่อยากเว้า ว่า "ฮักเจ้ายังคาใจ" นั่นแหล่วเนาะ

หมายเลขบันทึก: 486579เขียนเมื่อ 30 เมษายน 2012 08:54 น. ()แก้ไขเมื่อ 20 มิถุนายน 2012 20:38 น. ()สัญญาอนุญาต: ครีเอทีฟคอมมอนส์แบบ แสดงที่มา-ไม่ใช้เพื่อการค้า-อนุญาตแบบเดียวกันจำนวนที่อ่านจำนวนที่อ่าน:


ความเห็น (2)

ให้ไปเลยเต็มๆๆๆๆ คนบ้านเดวกัน

ได้ฟังคำอ้ายจาต้านคำเว้าหวานเอื้อนอ้อนอ่อย

ว่าไห่นางนารถน้อยคอยซู่พุแม่นเขา

เอาหยังเฮ็ดทางใจเจ้าคือเว้าไปเป็นแนวอื่น

หรือแม่นล่อให้นางหลงสะอื้นฝืนไว้แม่นบ่ฟัง

อ้ายเอ้ย..ฟังเด้อน้องสิเว้าบ่ขันเอาไผเป็นคู่

เห็นว่าเหงาย้อนว่าน้องอดสูวาสนาน้อยกำเกี้ยงบ่เฮียงอ้ายแม่นพุดี

ไปจากนางสาพี่...อย่ามาล่อให้คึดฝัน

ทางฮักเฮาไกลกันย้อนว่าต่ำทางนางฮ้าย

บ่กล้าหมายเอาครูซ้อนสะออนได้ตั้งแต่แนม

อ้ายเอ้ย....



พบปัญหาการใช้งานกรุณาแจ้ง LINE ID @gotoknow
ClassStart
ระบบจัดการการเรียนการสอนผ่านอินเทอร์เน็ต
ทั้งเว็บทั้งแอปใช้งานฟรี
ClassStart Books
โครงการหนังสือจากคลาสสตาร์ท