หน้า 22
จวงจันทน์คู้ ทะลอนหอมแต่มื้อใหม่
คันว่าไกลล่วงล้ำ จันทน์เจ้าก็บ่หอม
จันทร์เพ็งแจ้ง ดวงดาวบ่มีซื่น
ดาวอยู่ล้อม หลายซั้นจึ่งค่อยเฮือง
จันทร์เพ็งแจ้ง บ่ท่อแสงสุริเยศ
แสงกะบองหมื่นเล่ม บ่ปานแจ้งแห่งเดือน
เปรียบดั่งหลานเหลนหล่อน บ่ปุนปานเฒ่าย่า
เด็กน้อยฮู้ตั้งล้าน บ่ปานเฒ่าผู้เดียว
ใจบ่ใสต่อแก้ว แยงเงาก็บ่ส่อง
ใจบ่ใสต่อฆ้อง ตีได้ก็บ่ดัง
จิมจิกเกล้า ผมแดงหน้าผาก
หญิงฮูบนั้น แฮงม้างศาสนา
