๒๔/๑๑/๒๕๕๖
อนุทิน ๙๓.
“ค่าว” พุทธศาสนสุภาษิต
นตฺถิ โลเก อนินฺทิโต : ผู้ไม่ถูกนินทา ไม่มีในโลก
นายกแบบนี๊ บ่อดีเลยหนา ฮยะหื้อวัดวา บ้านเฮาหมองเศร้า
ส.อบต. เปิ้นกะขี้เหล้า มักมากมัวเมา มีกิ๊ก
ครูตี้อยู่ศูนย์ฯ หัวหมุนดุกดิ๊ก ฮย้อนว่าเปิ้นเป๋น สะเดา
ครูโฮงเฮียนนั้น ลักเมาผัวเขา ก๋ารสอนบ่อเอา เมาขายสายสร้อย
พระเจ้าองค์นี๊ ฮ่างดีแต๊หนา เป๋นหยังใดจา อู้จ๋าเบาะได้
คนขายเครื่องเขียน กะเหมือนคนใบ้ หันใส่แม่ใด จ๊กงก
บ่อได้ว่าใผ หื้อใจ๋ช้ำฟก มอกยกตั้งหื้อ หันนา
การนินทานี๊ แบบอี้ละหนา เล่าขวัญกันมา หาได้จบสิ้น ๆ
....
หมายเหตุ สะเดา หมายถึง ลักษณะอาการที่บุคคลแสดงออกโดยควบคมตนเองไม่ได้ เช่น ต้องบิดศีรษะไปข้างขวาเป็นระยะ ๆ หรือ ตาขยิบเป็นระยะ ๆ บางคนอาจบ่นพึมพำทำเสียงแปลกๆ แถวบ้านเรียกอาการแบบนี้ว่า สะเดา
เล่าขวัญ หมายถึง การนินทา การกล่าวถึงผู้อื่นในทางที่เสื่อมเสีย ไม่ดีไม่ชอบใจของตนเองและผู้สนทนาด้วย
ขอขอบคุณครู อาจารย์ สมาชิกที่ให้กำลังใจทุกท่านมากครับ