สมาชิก
แลกเปลี่ยน

กลอนลำ ล่อง

  โอย….น้อ…ดินเอ๋ยดินสูงค้อยอีนางงอยนั่งกอดเขาคิดถ่อได๋ผัดแฮงเศร้า…เขามาสร้าง เขื่อนใส่มูนๆ….เอ้ย….

เบิดแต่ลำทางสั้นหันมาจ้าวทางล่อง  ทางของเพิ่นล่องแล้วทางข่อยสิล่องมูน  เหลียวไปทางเหนือพู้นเมืองพิบูลแจ้งคังข่ายมีแต่ตึกแต่ค่ายตามจ้ายตะฝั่งมูน  เมืองพิบูลเป็นเมืองตั้งเจริญดีสมชื่อพิบูลอยู่ฝั่งนั้นสะพืออยู่ฝั่งนี้ดอนแก้งนั่นแบ่งกลาง


               น้ำล้นท้างตามหว่างกระแสชล  แลลงตามลำมูนแม่นทีบ่อมีเว้น  ไปชมเล่นหัวดอนบ่อนน้ำถั่งแก่งเล็กๆน้อยๆไหลเข้าใส่คับพวง  ดอนขวางคั่นติดกันแม่นดอนธาตุ  น้ำฟาดไหลต่อเกี้ยวดอนเลี้ยวสิต่อลง  โสงเสงถ่านกำมะถันเนานั่ง  ดุจดังดวงดอกไม้นาวส้มเหว่อหวาน  ทรายมูลเป็นโนนบ้านหัวดอนตาลใต้คันไฮ่  ป่าไผ่แกมป่าพร้าวใจห่าวระหว่างเว  โงเงเหลียวลงใต้ดอนตาดไฮมืดจุ่มกุ่มเห็นแต่น้ำฟาดตุ้มโตนตึ้งใส่ท่าเสียว  เหลียวไปก้ำคันลึมทองใต้ปากบุ่งน้ำแก่งคันลึม…..มันมันหากไหลจ้าวๆ   ตีเข้า….ว่าใส่กันลำพัน…เอ้ยๆๆ….นา

ลาดวารีเป็นแอวคั่นวังสะแบงเติมต่อ  บ้านคันนกหออยู่ฝั่งนั่นโนนบ้านนั่นส่วนสูง  แก่งตุงลุงมาขวางขั่นเหลียวหากันจนว่าเมื่อยบ้านคันเปือยอยู่ซ่ง


หล่งคันแม่นแก่งหัว  งัวเงียเอิ้นหัวคันงัวเพิ่นเอิ้นว่า  ปูปลามันหากหลายมากล้นคนเข่าแหว่หา  ปลาใหญ่น้อยบ่ออึดอยากมีหลายกายไปทางลำโดมปากมันตกฮั่น  อัศจรรย์ใจเจ้าเขามาสร้างเขื่อนปลาเลยขึ้นบ่อได้หายจ้อยละบ่อมี  เต็มทีข่อยเลยหากินลำบากยากคอบปากคอบท้องอยากหลงฮ้องให้ส่วงใจ  บ่อมีไผมาแก้ปัญหาเฮาเป็นเรื่องใหญ่ไผกะคงสิฮู้น้อท่าน….ท่านผู้ฟัง…ฮือๆๆๆ น้อท่าน ท่านผู้ฟังๆ…..เอ่อๆ…เอย

 ขอบคุณคุณปราณี  โนนจันทร์

บันทึกนี้เขียนที่ GotoKnow โดย 

บันทึกก่อนนี้
บันทึกใหม่กว่า
· คำสำคัญ: ศิลปะวัฒนธรรมอีสาน 
· หมายเลขบันทึก: 135667 · เขียน:  
· ความเห็น:
3
 · อ่าน: แสดง
· สัญญาอนุญาต: สงวนสิทธิ์ทุกประการ
แจ้งลบ
แจ้งลบ

ลำล่อง  ใส่ลายแคนทางยาวอ่านหนังสือใหญ่  ครูชา  เปิงบ้าน  ก็เป็นหมอแคนอัดแผ่นเสียงมาแล้ว  เป่าใส่กลอนลำนี้ทางใจ  ม่วนแฮง ครับ ฝากรูปสู่ที่น้องด้วยครับ

ศิลปินแห่งชาติสาขาศิลปการแสดง (หมอลำ) ปี 2534 เคน  ดาเหลา  และ ปี 2540 บุญเพ็ง  ไฝผิวชัย ในการเปิดโครงการบ้านหวางจังหวัดขอนแก่น ราวปี 2547 ท่านทั้งสองใช้ชีวิตคู่ด้วยกันที่จังหวัดขอนแก่น ตั้งแต่ ปี 2514 เป็นต้นมา  หมอลำเคน  ดาเหลา ยังรับงานแสดงพร้อมคณะลูกศิษย์ได้  ส่วนหมอลำบุญเพ็ง ปัจจุบันมีปัญหาด้านสูขภาพ (อัมพฤกษ์)  หมอแคน ครูชา เปิงบ้าน 

สุวรรณมาลี
IP: xxx.12.97.100
เขียนเมื่อ Fri Mar 06 2009 15:50:16 GMT+0700 (ICT)

เก่งจัง

ท.ณเมืองกาฬ
เขียนเมื่อ Fri Mar 06 2009 20:33:45 GMT+0700 (ICT)

เป็นศิลปะของคนบ้านเราที่มีคุณค่ามากมาย ต้องช่วยกันอนุรักษ์ไว้ให้ลูกให้หลานนะครับ

อนุญาตให้แสดงความเห็นได้เฉพาะสมาชิก
ไม่อนุญาตให้แสดงความเห็น
{{ kv.current_user.preferred_name }} - เพิ่มความเห็นเพิ่มความเห็น
ใส่รูปหรือไฟล์